Connect with us

Hi, what are you looking for?

NEWS

അപകട ഭീഷണി ഉയർത്തി കോട്ടപ്പടിയിലെ ജലസംഭരണി; ധ്രുതഗതിയിലുള്ള നടപടിവേണമെന്ന് നാട്ടുകാർ.

  • ജെറിൽ ജോസ് കോട്ടപ്പടി.

കോട്ടപ്പടി : കോട്ടപ്പടി പഞ്ചായത്ത് കോംപ്ലക്സിൽ സ്ഥിതിചെയ്യുന്ന വാട്ടർ ടാങ്ക് ഏതുനിമിഷവും നിലംപതിക്കാവുന്ന അവസ്ഥയിലാണ്. നാല്പതിലേറെ വർഷം പഴക്കമുള്ള ഈ വാട്ടർ ടാങ്ക് അറ്റകുറ്റപണികൾ നടത്തുവാനോ പുതിയ സ്ഥലത്തേക്ക് മാറ്റി സ്ഥാപിക്കുവാനോ ഇതുവരെ സാധിച്ചിട്ടില്ല. പലതവണ അധികാരികളുടെ ശ്രദ്ധയിൽപ്പെടുത്തിയിട്ടും അവഗണന മാത്രമാണ് ഫലം എന്നാണ് നാട്ടുകാർ പറയുന്നത്. വാട്ടർ ടാങ്കിന്റ പല തൂണുകളും കാലപഴക്കം കൊണ്ട് ദ്രവിച്ചു പോയി.

ആയിരകണക്കിന് ആളുകൾ വന്നു പോകുന്ന ചേറങ്ങനാൽ കവലയിൽ പോലീസ് സ്റ്റേഷനോട് ചേർന്ന് 200 അടി ഉയരത്തിൽ സ്ഥിതി ചെയ്യുന്ന വാട്ടർടാങ്ക് ഉയർത്തുന്ന ഭീഷണി ചെറുതൊന്നുമല്ല. വർഷങ്ങളായി ടാങ്കിന് അടിയിലെ വാൽവ് പൊട്ടിവെള്ളം പാഴായി കൊണ്ടിരിക്കുന്നു. അതുപോലും നന്നാക്കാൻ വാട്ടർ അതോറിറ്റിയിലെ ഉദ്യോഗസ്ഥർ തയ്യാറായിട്ടില്ല എന്നതാണ് വസ്തുത. അറുപതിനായിരം അധികം ലിറ്റർ സംഭരണശേഷിയുള്ള ടാങ്കിൽ നിന്നും ദിവസേന ആയിരക്കണക്കിന് ലിറ്റർ വെള്ളമാണ് വാൽവിലൂടെ ചോർന്നു പോയിക്കൊണ്ടിരിക്കുന്നത്.

നൂറുകണക്കിനാളുകൾക്ക് കുടിവെള്ളമെത്തിക്കുന്ന വാട്ടർ ടാങ്ക് ആണിത്. കൃത്യമായ അറ്റകുറ്റപ്പണികൾ നടത്താതെ അധികാരികളുടെ മെല്ലെപ്പോക്ക് ആണ് ഈ വാട്ടർ ടാങ്കിനെ അപകടകരമായ അവസ്ഥയിലേക്ക് എത്തിച്ചത്. നൂറുകണക്കിന് ആളുകളുടെ ജീവൻ തന്നെ ഭീഷണിയുള്ള വാട്ടർ ടാങ്ക് എത്രയും ഇവിടെ നിന്ന് മാറ്റി കണ്ടെത്തിയിട്ടുള്ള സ്ഥലത്ത് യുദ്ധകാലാടിസ്ഥാനത്തിൽ നിർമ്മിക്കണമെന്നാണ് പൊതുജനങ്ങളുടെ അഭിപ്രായം.  ടാങ്കിന്റെ ശോചനീയമായ അവസ്ഥ മനസ്സിലാക്കി പുതിയത് പണിയുവാനുള്ള നടപടിക്രമങ്ങൾ ആരംഭിച്ചിട്ടുണ്ടെന്ന് പഞ്ചായത്ത് പ്രിസിഡന്റ് മിനി ഗോപി വെളിപ്പെടുത്തി.

 

You May Also Like

CHUTTUVATTOM

കോട്ടപ്പടി : വടക്കുംഭാഗം ആലക്കരയിൽ എൽദോ എ സി ( റിട്ട: അധ്യാപകൻ തോമസ് ഹയർ സ്കൂൾ കേളകം , കണ്ണൂർ ) 58 വയസ്സ് നിര്യാതനായി. സംസ്കാര ചടങ്ങുകൾ നാളെ (01...

NEWS

കോതമംഗലം : കോട്ടപ്പടിയിൽ 12.14 കോടി രൂപ ചിലവഴിച്ച് 2 ഘട്ടങ്ങളിലായി നടപ്പിലാക്കിയ ഗ്രാമീണ ഭവന കുടിവെള്ള പദ്ധതിയുടെ ഉദ്ഘാടനം പഞ്ചായത്ത് ഓഫീസിന് സമീപം വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ...

NEWS

Lകോട്ടപ്പടി :  ഹൈ-ലെവൽ കനാലിൽ നാഗഞ്ചേരി ഭാഗത്ത്‌ കുളിക്കാനിറങ്ങിയ യുവാവ് മുങ്ങിമരിച്ചു. നാഗഞ്ചേരി ഭാഗത്ത്‌ താമസിക്കുന്ന അഖിലേഷ് (19) ആണ് മരിച്ചത്. ഇടുക്കി രാജാക്കാട് സ്വദേശിയായ അഖിലേഷ് പഠനസൗകര്യാർത്ഥം നാഗഞ്ചേരിയിലുള്ള മാതാവിന്റെ വീട്ടിലായിരുന്നു...

NEWS

കോതമംഗലം: സ്വകാര്യ ബസും ബൈക്കും കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം. കോട്ടപ്പടി ഉപ്പുകണ്ടം റൂട്ടിൽ ചീനിക്കുഴിയിൽ ഉണ്ടായ വാഹന അപകടത്തിൽ ബൈക്ക് യാത്രികരായ കോട്ടപ്പടി ഉപ്പുകണ്ടം തൂപ്പനാട്ട് തങ്കപ്പൻ മകൻ വിമൽ(38), തോളെലി...