കോട്ടപ്പടി : കോതമംഗലം-കോട്ടപ്പടി റോഡിന്റെയും, കുറുപ്പംപടി-കൂട്ടിക്കൽ റോഡിന്റെയും പുന:രുദ്ധാരണ പ്രവർത്തികൾ ആരംഭിച്ചു. ആന്റണി ജോൺ എംഎൽഎ, പഞ്ചായത്ത് പ്രസിഡന്റ് എം കെ വേണു, വാർഡ് മെമ്പർമാരായ അഭിജിത്ത് എം രാജു, ബിനോയ് ജോസഫ്, എൻ എച്ച് ഉദ്യോഗസ്ഥർ എന്നിവർ സ്ഥലം സന്ദർശിച്ച് നിർമ്മാണ പ്രവർത്തികൾ വിലയിരുത്തി.
റോഡിന്റെ വിവിധ ഭാഗങ്ങളിലുള്ള വെള്ളക്കെട്ട് പരിഹരിക്കുന്നതിനു വേണ്ടി ആവശ്യമുള്ളടത്ത് കൾവെർട്ടുകൾ,ഡ്രൈനേജുകൾ നിർമ്മിച്ച്,മറ്റ് ഭാഗങ്ങളിൽ റോഡ് ഉയർത്തിയുമാണ് പ്രവർത്തികൾ നടക്കുക.
നാഗഞ്ചേരി പാലത്തിനു വീതി കൂട്ടുന്നതിനു വേണ്ടിയുള്ള നിർമ്മാണ പ്രവർത്തനങ്ങൾ വേഗത്തിലാക്കാൻ ബന്ധപ്പെട്ട ഉദ്യോഗസ്ഥർക്ക് എംഎൽഎ നിർദേശം നൽകി.
You must be logged in to post a comment Login