കോട്ടപ്പടി : ഇന്നലെ രാത്രി പ്ലാമുടിയിലെ പമ്പ് ഹൗസിന് സമീപത്ത് എത്തിയ മലമ്പാമ്പിനെ പിടികൂടി. നാട്ടുകാർ പാമ്പിനെ കണ്ടതിനെത്തുടർന്ന് വനം വകുപ്പിൽ വിവരം അറിയിക്കുകയും, അവരുടെ നിർദ്ദേശപ്രകാരം പാമ്പ് പിടുത്തത്തിൽ ലൈസൻസ് കരസ്ഥമാക്കിയ കോട്ടപ്പടി സ്വദേശിയും മാധ്യമപ്രവർത്തകനുമായ ജെറിൽ ജോസ് ( കേരള കൗമുദി, കോതമംഗലം) സ്ഥലത്തെത്തുകയും പാമ്പിനെ പിടികൂടി വനം വകുപ്പിന് കൈമാറുകയുമായിരുന്നു.
12 കിലോയോളം തൂക്കവും, 10 അടിയോളം നീളവും ഉണ്ടായിരുന്ന മലമ്പാമ്പിനെ ശാസ്ത്രീയമായ രീതിയിലാണ് ജെറിൽ ജോസ് പിടികൂടിയത്. നാട്ടുകാർ ആദ്യം പമ്പ് ഹൗസിന് സമീപത്തായി കാണപ്പെട്ട പാമ്പിനെ അടുത്തുള്ള റബ്ബർ തോട്ടത്തിൽ നിന്നുമാണ് പിടികൂടിയത്.
