കോതമംഗലം: എറണാകുളം ജില്ലയിൽ കോതമംഗലം വിദ്യാഭ്യാസ ജില്ലയിലെ കോട്ടപ്പടി ഗ്രാമ പഞ്ചായത്തിലെ 153 വർഷം പഴക്കമുള്ള കോട്ടപ്പടി സൗത്ത് സർക്കാർ എൽ പി സ്കൂളിൽ പഴയ കെട്ടിടം പൊളിച്ചു നീക്കി പുതിയ കെട്ടിടത്തിന്റെ തറക്കല്ലിടൽ ചടങ്ങ് ആൻ്റണി ജോൺ എംഎൽഎ ഉദ്ഘാടനം ചെയ്തു.
പഞ്ചായത്ത് പ്രസിഡൻ്റ് മിനി ഗോപി അധ്യക്ഷത വഹിച്ച ചടങ്ങിൽ പഞ്ചായത്ത് വൈസ് പ്രസിഡന്റ് മെറ്റിൻ മാത്യു, വാർഡ് മെമ്പർ അമൽ വിശ്വം,ബ്ലോക്ക് പഞ്ചായത്ത് മെമ്പർ ആശ അജിൻ,മുൻ ബി പി സി എസ് എം അലിയാർ,പി റ്റി എ പ്രസിഡന്റ് അജിത്ത് പി പി,എം പി റ്റി എ ചെയർ പേഴ്സൺ നിഷ ബെന്നി എന്നിവർ സന്നിഹിതരായിരുന്നു. ബി പി സി സിന്ധു തമ്പി സ്വാഗതവും ഹെഡ്മിസ്ട്രസ് സരോജിനി കെ ജി നന്ദിയും പറഞ്ഞു.
