- ജെറിൽ ജോസ് കോട്ടപ്പടി
കോട്ടപ്പടി : ഊരംകുഴി -കണ്ണക്കട റോഡ് പണി വൈകുന്നതുമായി ബന്ധപ്പെട്ടു ആന്റണി ജോൺ എം. എൽ. എ ക്ക് ഒരു രൂപ മണിയോഡർ അയച്ചു കൊണ്ട് യുവാവ്. കോട്ടപ്പടി പ്ലാമുടിയിൽ താമസിക്കുന്ന വിമൽ തേക്കുംകൂടി എന്ന യുവാവാണ് ഒരു രൂപ മണിയോഡർ അയച്ചുകൊണ്ട് പ്രതിഷേധിച്ചത്. മൂന്നു വർഷത്തിലധികമായ റോഡ് പണി ഇതുവരെ പൂർണ്ണമായിട്ടില്ല, പ്ലാമുടി കല്ലുമല കയറ്റത്തിൽ കുടിയേറ്റക്കാരെ ഒഴിപ്പിക്കാനോ റോഡിന് വീതികൂട്ടി ടാർ ചെയ്യുവാനോ അധികൃതർ തയ്യാറായിട്ടില്ല. മൂന്ന് വർഷമായി തുടരുന്ന ദുരിതത്തിന്റെ പ്രതിഷേധമായിട്ടാണ് യുവാവ് ഒരു രൂപ കോതമംഗലം എം.എൽ.എക്ക് അയച്ചുകൊടുത്തിരിക്കുന്നത്.
കോതമംഗലത്തെ സ്വപ്ന പ്രൊജക്ടായ ഈ കിഫ്ബി പ്രൊജക്റ്റ് പല വകുപ്പുകളിലും വകുപ്പുകളുടെയും ഒത്തിണക്കമില്ലായ്മയാണ് വൈകുന്നതിൽ പ്രധാനകാരണമായി നാട്ടുകാർ ആരോപിക്കുന്നത്. പിഡബ്ല്യുഡി ഉദ്യോഗസ്ഥരുടെയും പഞ്ചായത്തിനെയും ഏകോപനമില്ലായ്മയാണ് കല്ലുമല കയറ്റത്തിന് ഭീതി കൂടാതെ ഇന്നും അവിടെ നിന്നും താമസക്കാർ ഒഴിഞ്ഞു പോകാത്തത്. വരുംദിവസങ്ങളിൽ കൂടുതൽ നാട്ടുകാർ എം.എൽ.എ ക്ക് ഒരു രൂപ മണിയോഡർ അയച്ചു കൊണ്ട് പ്രതിഷേധിക്കാൻ ഒരുങ്ങുകയാണ്.
