Connect with us

Hi, what are you looking for?

NEWS

കോട്ടപ്പടിയിലെ വന്യമൃഗ ശല്യത്തിൽ പൊറുതിമുട്ടി കർഷക ജനത.

കോതമംഗലം : കോട്ടപ്പടി പഞ്ചായത്ത് പരിധിയിൽ കാട്ടാന ശല്യം രൂക്ഷമായി. ജനവാസ മേഖലയോട് ചേർന്നുള്ള വനപ്രദേശത്ത് തമ്പടിച്ചിരിക്കുന്ന കാട്ടാനക്കൂട്ടം രാത്രികാലങ്ങളിൽ കൃഷിയിടങ്ങൾ നശിപ്പിക്കുന്നത് പതിവായിരിക്കുകയാണ്. കഴിഞ്ഞ ദിവസം രാത്രി ചെറിയമ്പനാട്ട് ആന്റുവിന്റെ റബർ തൈകളെല്ലാം ആനക്കൂട്ടം ചവിട്ടിമെതിച്ച് നശിപ്പിച്ചു. മഴക്കാലം തുടങ്ങിയതോടെ ആനകൾ എത്തുന്നത് പലപ്പോഴും ജനങ്ങൾ അറിയുന്നില്ലയെന്നത് കൃഷി നാശത്തിന്റെ ആഴം വർദ്ധിപ്പിക്കുന്നു. വനാതിർത്തിയിൽ സ്ഥാപിച്ചിരിക്കുന്ന വൈദ്യുതി വേലികൾ പലപ്പോഴും പ്രവർത്തനരഹിതമാണ്. ഈ തകരാർ പരിഹരിക്കാനോ പുതിയ ഫെൻസിങ് വലിക്കാനോ അധികൃതർ തയ്യാറാവുന്നില്ല എന്ന പരാതിയാണ് നാട്ടുകാർ ഉന്നയിക്കുന്നത്.

വനപാലകരുടെ രാത്രികാലങ്ങളിലുള്ള പെട്രോളിങ്ങ് കുറഞ്ഞതും ആനക്കൂട്ടങ്ങൾ ജനവാസമേഖലയിൽ ഇറങ്ങാനുള്ള പ്രധാന കാരണമാണ്. ആനക്കൂട്ടങ്ങൾ നശിപ്പിച്ച കൃഷിയിടങ്ങൾക്കുള്ള നഷ്ടപരിഹാരം വൈകുന്നതും കർഷകരെ തീരാദുരിതത്തിലേക്കാണ് നയിക്കുന്നത്. ജനങ്ങളുടെ ജീവനും സ്വത്തിനും സംരക്ഷണം ഒരുക്കേണ്ട വനപാലകർ കാര്യക്ഷമമായി പ്രവർത്തിക്കണമെന്നും രാത്രികാലങ്ങളിൽ പെട്രോളിങ്ങ് ശക്തമാക്കണം എന്നും പഞ്ചായത്ത് പ്രസിഡന്റ് മിനി ഗോപി ആവശ്യപ്പെട്ടു . വാർഡ് മെമ്പർ സന്തോഷ് അയ്യപ്പൻ, സണ്ണി വർഗീസ്, ഫാ. റോബിൻ പടിഞ്ഞാറേകുറ്റ് എന്നിവർ സ്ഥലം സന്ദർശിച്ചു.

വിള നാശം സംഭവിച്ച കർഷകർക്കുള്ള നഷ്ട പരിഹാരം വൈകുന്നതിനെതിരെ ശക്തമായ പ്രതിഷേധമാണ് കർഷരുടെ ഭാഗത്തുനിന്നും ഉണ്ടാകുന്നത്. വന്യജീവികളെ അവരുടെ ആവാസ വ്യവസ്ഥയിൽ തന്നെ നിർത്തണമെന്നും ജനവാസ മേഖലയിൽ ഇറങ്ങിയാൽ ശക്തമായ ജനകീയ പ്രക്ഷോഭങ്ങൾക്ക് നേതൃത്വം കൊടുക്കുമെന്നും ജീവിക്കാനുള്ള അവകാശത്തിൽ കടന്നുകയറാൻ ആരെയും അനുവദിക്കില്ലെന്നും ഫാ.റോബിൻ പടിഞ്ഞാറേകുറ്റ് പറഞ്ഞു. അടിയന്തിരമായി കോട്ടപ്പാറ വന മേഖലയിൽ റെയിൽ ഫെൻസിങ്, വന്യജീവി ആക്രമണങ്ങൾ തടയുവാനുള്ള സംവിധാനങ്ങൾ കൈക്കൊള്ളുമെന്ന് വനംവകുപ്പ് അധികൃതർ ഉറപ്പു നൽകി. കൂടാതെ കർഷകർക്കുള്ള നഷ്ടപരിഹാരം വേഗത്തിലാക്കുമെന്ന് വനപാലകർ ഉറപ്പുനൽകി. കഴിഞ്ഞ കുറെ കാലങ്ങളായി കോതമംഗലം മണ്ഡലത്തിലെ കോട്ടപ്പടി, പിണ്ടിമന, കുട്ടമ്പുഴ, കീരമ്പാറ പഞ്ചായത്തുകളിൽ വന്യജീവി ശല്യം അതി രൂക്ഷമാണ്.

You May Also Like

CHUTTUVATTOM

കോട്ടപ്പടി : വടക്കുംഭാഗം ആലക്കരയിൽ എൽദോ എ സി ( റിട്ട: അധ്യാപകൻ തോമസ് ഹയർ സ്കൂൾ കേളകം , കണ്ണൂർ ) 58 വയസ്സ് നിര്യാതനായി. സംസ്കാര ചടങ്ങുകൾ നാളെ (01...

NEWS

കോതമംഗലം : കോട്ടപ്പടിയിൽ 12.14 കോടി രൂപ ചിലവഴിച്ച് 2 ഘട്ടങ്ങളിലായി നടപ്പിലാക്കിയ ഗ്രാമീണ ഭവന കുടിവെള്ള പദ്ധതിയുടെ ഉദ്ഘാടനം പഞ്ചായത്ത് ഓഫീസിന് സമീപം വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ...

NEWS

Lകോട്ടപ്പടി :  ഹൈ-ലെവൽ കനാലിൽ നാഗഞ്ചേരി ഭാഗത്ത്‌ കുളിക്കാനിറങ്ങിയ യുവാവ് മുങ്ങിമരിച്ചു. നാഗഞ്ചേരി ഭാഗത്ത്‌ താമസിക്കുന്ന അഖിലേഷ് (19) ആണ് മരിച്ചത്. ഇടുക്കി രാജാക്കാട് സ്വദേശിയായ അഖിലേഷ് പഠനസൗകര്യാർത്ഥം നാഗഞ്ചേരിയിലുള്ള മാതാവിന്റെ വീട്ടിലായിരുന്നു...

NEWS

കോതമംഗലം: സ്വകാര്യ ബസും ബൈക്കും കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം. കോട്ടപ്പടി ഉപ്പുകണ്ടം റൂട്ടിൽ ചീനിക്കുഴിയിൽ ഉണ്ടായ വാഹന അപകടത്തിൽ ബൈക്ക് യാത്രികരായ കോട്ടപ്പടി ഉപ്പുകണ്ടം തൂപ്പനാട്ട് തങ്കപ്പൻ മകൻ വിമൽ(38), തോളെലി...