കോതമംഗലം: മയക്കു മരുന്ന് വ്യാപനതിനെതിരായി നിലവിൽ എടുത്തു കൊണ്ടിരിക്കുന്ന എൻഫോഴ്സ്മെൻ്റ് പ്രവർത്തനങ്ങളും നിയമ നടപടികളും കർശനമായി മുന്നോട്ടു കൊണ്ടു പോകണമെന്ന് താലൂക്ക് വികസന സമിതി. കോതമംഗലം താലൂക്ക് വികസന സമിതി യോഗം ആന്റണി ജോൺ എം എൽ എ യുടെ അദ്ധ്യക്ഷതയില് മിനി സിവില് സ്റ്റേഷന് ഹാളില് നടന്നു.കോതമംഗലത്ത് ലഹരി വിരുദ്ധ പ്രവർത്തനങ്ങളുമായി ബന്ധപ്പെട്ട് ഒരു മാസക്കാലത്തെ ക്യാമ്പയ്ൻ കോതമംഗലത്തെയെല്ലാ മേഖലയിലും സജീവമായി സംഘടിപ്പിക്കാൻ സാധിച്ചതായി യോഗം വിലയിരുത്തി. ക്യാമ്പയ്നിൽ പങ്കാളികളായ എല്ലാവർക്കും യോഗത്തിൽ എം എൽ എ പ്രത്യേകം നന്ദി രേഖപ്പെടുത്തി.തുടർ പ്രവർത്തനങ്ങളിലും എല്ലാവരുടെയും സജീവപങ്കാളിത്തം ഉണ്ടാകണമെന്നും എം എൽ എ അഭ്യർത്ഥിച്ചു. വർദ്ധിച്ചു വരുന്ന മയക്കുമരുന്ന് വ്യാപനത്തിനെതിരെ കോതമംഗലത്തെ എക്സൈസ്,പോലീസ് ഡിപ്പാർട്ടുമെൻ്റുകൾ സ്വീകരിക്കുന്ന നടപടികളെ എം എൽ എ യോഗത്തിൽ അഭിനന്ദിച്ചു.
മുഖം നോക്കാതെ കൂടുതൽ കാര്യക്ഷമമായി തന്നെ എൻഫോഴ്സ്മെൻ്റ് പ്രവർത്തനങ്ങളും നിയമ നടപടികളും മുന്നോട്ടു കൊണ്ടു പോകുന്നതിനും താലൂക്ക് വികസന സമിതി നിർദേശിച്ചു. റവന്യൂ, പൊതുമരാമത്ത്,ദേശീയ പാത,വനം,വാട്ടർ അതോറിറ്റി,കെ എസ് ഇ ബി,കെ എസ് ആർ ടി സി,പെരിയാർവാലി എന്നീ വകുപ്പുകളുമായി ബന്ധപ്പെട്ട വിഷയങ്ങൾ യോഗത്തിൽ ചർച്ചയായി.
വാരപ്പെട്ടി പഞ്ചായത്ത് പ്രസിഡൻ്റ് പി കെ ചന്ദ്രശേഖരന് നായര്,ജില്ലാ പഞ്ചായത്ത് അംഗം റാണിക്കുട്ടി ജോര്ജ്ജ്,മുവാറ്റുപുഴ എം എല് എ പ്രതിനിധി അഡ്വക്കേറ്റ് അജ്യു മാത്യൂ,വിവിധ രാഷ്ട്രീയ പാര്ട്ടി പ്രതിനിധികൾ,ഭൂരേഖ തഹസില്ദാര് നാസര് കെ എം,വിവിധ വകുപ്പ് ഉദ്യോഗസ്ഥര് എന്നിവര് പങ്കെടുത്തു.
