കോതമംഗലം :കോതമംഗലം താലൂക്ക് ആശുപത്രിയിൽ നവീകരിച്ച ഓപ്പറേഷൻ തീയേറ്ററിന്റെയും, ലേബർ റൂമിന്റെയും,ലാബിന്റെയും, ആശുപത്രിയുടെ പുതിയ വെബ്സൈറ്റിന്റെയും ഉദ്ഘാടനം മെയ് 27 ന് ആരോഗ്യ -വനിതാ – ശിശു വികസന വകുപ്പ് മന്ത്രി വീണ ജോർജ് നിർവഹിക്കുമെന്ന് ആന്റണി ജോൺ എം എൽ എ യും,മുനിസിപ്പൽ ചെയർമാൻ കെ കെ ടോമിയും സംയുക്ത പ്രസ്താവനയിൽ അറിയിച്ചു.താലൂക്ക് ആസ്ഥാന ആശുപത്രിയുടെ അടിസ്ഥാന സൗകര്യങ്ങൾ സമഗ്രമായി വികസിപ്പിക്കുന്നതിനായി സംസ്ഥാന സർക്കാരിൽ നിന്നും കിഫ്ബി പദ്ധതിയിലൂടെ അനുവദിച്ച 11.15 കോടി രൂപ ഉപയോഗപ്പെടുത്തി ആശുപത്രിയിൽ വിവിധ വികസന പ്രവർത്തനങ്ങൾ നടന്നുവരികയാണ്.ആയതിന്റെ ഒന്നാം ഘട്ടമായിട്ടാണ് ഓപ്പറേഷൻ തിയേറ്ററും,ലേബർ റൂമും നവീകരിച്ചത്. കോതമംഗലം നഗരസഭ വാർഷിക പദ്ധതിയിൽ ഉൾപ്പെടുത്തിയാണ് പുതിയ ലാബിന്റെ നിർമ്മാണം പൂർത്തീകരിച്ചത്. അതോടൊപ്പം പുതിയതായി സജ്ജീ കരിച്ച ആശുപത്രിയുടെ വെബ് സൈറ്റിന്റെയും സംയുക്ത ഉദ്ഘാടനം മെയ് 27 ചൊവ്വാഴ്ച വൈകിട്ട് 4.30 ന് ആരോഗ്യ – വനിതാ – ശിശു വികസന മന്ത്രി വീണാ ജോർജ് നിർവഹിക്കുമെന്ന് ആന്റണി ജോൺ എം എൽ എയും, മുൻസിപ്പൽ ചെയർമാൻ കെ കെ ടോമിയും സംയുക്ത പ്രസ്താവനയിൽ അറിയിച്ചു.
