Connect with us

Hi, what are you looking for?

NEWS

കോതമംഗലം സബ് രജിസ്ട്രാർ ഓഫീസ് : നിർമ്മാണം പൂർത്തിയാക്കുന്നതിൽ കാല താമസം വരുത്തിയ കരാറുകാരനിൽ നിന്നും ഒന്നേ മുക്കാൽ ലക്ഷം രൂപ പിഴ ഈടാക്കിയതായി മന്ത്രി വി എൻ വാസവൻ നിയമസഭയിൽ.

 

കോതമംഗലം : കോതമംഗലം സബ് രജിസ്ട്രാർ ഓഫീസ് നിർമ്മാണം വൈകിയതിനാൽ കരാറുകാരനിൽ നിന്നും ഒന്നേ മുക്കാൽ ലക്ഷം രൂപ പിഴ ഈടാക്കിയതായി മന്ത്രി വി എൻ വാസവൻ നിയമസഭയിൽ വ്യക്തമാക്കി.ആൻ്റണി ജോൺ എം എൽ എ യുടെ ചോദ്യത്തിന് മറുപടി പറയുമ്പോൾ ആണ് മന്ത്രി ഇക്കാര്യം വ്യക്തമാക്കിയത്.കോതമംഗലത്തെ പുതിയ സബ് രജിസ്ട്രാർ ഓഫീസ് നിർമാണത്തിൻ്റെ നിലവിലെ സ്ഥിതി സംബന്ധിച്ചും,നിർമ്മാണത്തിൽ ഉണ്ടാകുന്ന കാലതാമസം മൂലം നിർമ്മാണ പൂർത്തീകരണം അനന്തമായി നീണ്ടുപോകുന്നതും എം എൽ എ സഭയുടെ ശ്രദ്ധയിൽപ്പെടുത്തി.കോതമംഗലം സബ് രജിസ്ട്രാർ ഓഫീസിൻ്റെ നിർമ്മാണം അടിയന്തിരമായി പൂർത്തീകരിക്കുവാൻ നടപടി സ്വീകരിക്കണമെന്നും എം എൽ എ സഭയിൽ ആവശ്യപ്പെട്ടു.കിഫ്ബി പദ്ധതിയിൽ ഉൾപെടുത്തി നിർമ്മാണം നടക്കുന്ന കോതമംഗലം സബ് രജിസ്ട്രാർ ഓഫീസ് കെട്ടിടത്തിൻ്റെ കോർട്ട് യാർഡിൻ്റെ ടൈൽ വർക്കുകൾ,കുഴൽ കിണർ,മഴവെള്ള സംഭരണി എന്നിവ ഒഴികെ മറ്റു നിർമാണ ജോലികളെല്ലാം പൂർത്തിയായിട്ടുണ്ട്.റിക്കാർഡ് റൂമിലെ കോംപാക്ടർ സംവിധാനം,ലിഫ്റ്റ് സംവിധാനം എന്നിവ സ്ഥാപിച്ചിട്ടില്ല.

പൊതു ജനങ്ങൾക്കുള്ള വാഹന പാർക്കിങ്ങ് സൗകര്യം,റാമ്പ്,ശുചിമുറികൾ,വെയിറ്റിംഗ് റൂം,റിക്കാർഡ് റൂമിലെ കോംപാക്ടർ,ലിഫ്റ്റ്,കുഴൽക്കിണർ,മഴവെള്ള സംഭരണി എന്നീ സൗകര്യങ്ങൾ പുതിയ സബ് രജിസ്ട്രാർ ഓഫീസിൽ തയ്യാറാക്കുന്നുണ്ട്.നിർമ്മാണം പൂർത്തിയാക്കുവാൻ കാലതാമസം വരുത്തിയ കരാറുകാരന് ഒന്നേ മുക്കാൽ ലക്ഷം രൂപ പിഴ ഈടാക്കുകയും നിർമ്മാണ ജോലികൾ വേഗത്തിലാക്കുവാൻ കർശന നിർദ്ദേശം നൽകുകയും ചെയ്തിട്ടുണ്ട്.നിർമ്മാണ ജോലികൾ വേഗത്തിലാക്കാൻ കർശന നിർദേശം നൽകിയതായും,2022 ജൂലായ് മാസം 31-ാം തീയതിയോടുകൂടി നിർമ്മാണം പൂർത്തീകരിക്കുവാൻ സാധിക്കുമെന്നും മന്ത്രി വി എൻ വാസവൻ ആൻ്റണി ജോൺ എം എൽ എ യെ നിയമസഭയിൽ അറിയിച്ചു.

You May Also Like

News

കോതമംഗലം : ഡിസംബർ 10 ന് കോതമംഗലത്ത് നടക്കുന്ന നവകേരള സദസ്സിൻ്റെ പ്രചരണാർത്ഥം എൽ ഡി വൈ എഫ് കോതമംഗലം മണ്ഡലം കമ്മറ്റിയുടെ നേതൃത്വത്തിൽ “മോർണിംങ് വാക് വിത്ത്‌ എം എൽ എ...

NEWS

കോതമംഗലം : വാരപ്പെട്ടി കവല – അമ്പലംപടി കൊച്ചി-ധനുഷ് കോടി ദേശീയപാതയുമായി ബന്ധിപ്പിക്കുന്ന പാലം ഗതാഗതത്തിനായി തുറന്നു. കോതമംഗലം ആറിന് കുറുകെ നിർമ്മിച്ചിട്ടുള്ളതിൽ വച്ച് ഏറ്റവും വലിയ പാലം ഗതാഗതത്തിനായി തുറന്നതോടെ വാരപ്പെട്ടി,...

NEWS

കോതമംഗലം: ഭൂതത്താൻകെട്ട് – വടാട്ടുപാറ റോഡ് ആധുനീക നില വാരത്തിൽ നവീകരിക്കുന്നതിന്റെ നിർമ്മാണോദ്ഘാടനം ആന്റണി ജോൺ എം എൽ എ നിർവഹിച്ചു. ജില്ലാ പഞ്ചായത്ത്‌ അംഗം കെ കെ ദാനി അധ്യക്ഷത വഹിച്ചു.5...

NEWS

പല്ലാരിമംഗലം : പ്രധാനമന്ത്രി ഗ്രാമീണ സടക് യോജനയിൽ ഉൾപ്പെടുത്തി പല്ലാരിമംഗലം കവളങ്ങാട് പഞ്ചായത്ത്കളെ തമ്മിൽ ബന്ധിപ്പിക്കുന്ന മങ്ങാട്ടുപടി – പരുത്തിമാലി – പരീക്കണ്ണി – പൈമറ്റം – ചിറമേൽപടി – മക്കാമസ്ജിദ് റോഡിന്റെ...