കോതമംഗലം: നഗരസഭയുടെ വികസന സെമിനാർ 27-07-2022 ബുധനാഴ്ച 11 മണിക്ക് നഗരസഭ ഓഡിറ്റോറിയത്തിൽ വച്ച് സംഘടിപ്പിച്ചു. നഗരസഭ വൈസ് ചെയർപേഴ്സൺ ശ്രീമതി. സിന്ധു ഗണേശന്റെ അധ്യക്ഷതയിൽ ചേർന്ന യോഗം കോതമംഗലം എം. എൽ. എ ശ്രീ. ആന്റണി ജോൺ ഉദ്ഘാടനം ചെയ്തു. വികസനകാര്യ സ്റ്റാൻഡിങ് കമ്മിറ്റി ചെയർമാൻ ശ്രീ. കെ. എ നൗഷാദ് സ്വാഗതവും നഗരസഭ സെക്രട്ടറി ശ്രീ. അൻസൽ ഐസക് നന്ദിയും അറിയിച്ചു. ആസൂത്രണ സമിതി ഉപാധ്യക്ഷൻ ശ്രീ. സി. പി. എസ്. ബാലൻ വിഷയാവതരണം നടത്തി.ആരോഗ്യകാര്യ സ്റ്റാൻഡിങ് കമ്മിറ്റി ചെയർമാൻ ശ്രീ. കെ. വി. തോമസ്, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി. രമ്യ വിനോദ്, വിദ്യാഭ്യാസകാര്യ സ്റ്റാൻഡിങ് കമ്മിറ്റി ചെയർമാൻ ശ്രീ. സിജോ വർഗീസ്, പൊതുമരാമത്ത് കാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി. ബിൻസി തങ്കച്ചൻ, എ. ജി. ജോർജ് എന്നിവർ സംസാരിച്ചു. മറ്റു കൗൺസിലർമാരും ഉദ്യോഗസ്ഥരും യോഗത്തിൽ പങ്കെടുത്തു.
