കോതമംഗലം : കോതമംഗലം മാതിരപ്പിള്ളി പളളിപ്പടിയിൽ നിന്നും ഞായറാഴ്ച കാണാതായ വിദ്യാർത്ഥിയെ പുഴയിൽ മുങ്ങി മരിച്ച നിലയിൽ കണ്ടെത്തി. കോതമംഗലം, മാതിരപ്പിള്ളി വെള്ളക്കാമറ്റം കുഞ്ചാട്ട് ഹിലാൽ (13) എന്ന കുട്ടിയെ മാതിരപ്പിള്ളി പള്ളിപ്പടി പാലത്തിന് താഴെ നിന്നും കോതമംഗലം ഫയർസ്റ്റേഷനിലെ സ്ക്യൂബാ ടീം രണ്ടര മണിക്കുർ നേരത്തെ തിരച്ചിലിലിനൊടുവിൽ കണ്ടെത്തി .
ഞാറാഴ്ച രാത്രി കാണാതായ കുട്ടിയെ നാട്ടുകാർ രാത്രിയിൽ മുഴുവൻ തിരഞ്ഞുവെങ്കിലും കണ്ടെത്താനായില്ല.തിങ്കളാഴ്ച
ഉച്ചയോടെ കുട്ടിയുടേത് എന്ന് സംശയിക്കുന്ന ചെരുപ്പ് പുഴയിൽ കണ്ടതിനെത്തുടർന്ന്
കോതമംഗലം അഗ്നി രക്ഷ നിലയത്തിൽ അറിയിക്കുകയും സ്ക്യൂബാ ടീം നെ അയക്കുകയുമായിരുന്നു.
2 കിമി ദൂരത്തിൽ കയങ്ങളിലും തടയണയിലും തിരച്ചിൽ നടത്തി.
ഒടുവിൽ പാലത്തിനു താഴെ 20 അടിയോളം ആഴത്തിലെ കയത്തിൽ നിന്നും ഏറെ ശ്രമകരമായ തിരച്ചിലിനിടയിലാണ് കുട്ടിയെ മരിച്ച നിലയിൽ കണ്ടെത്തിയത്.
അസ്സി. സ്റ്റേഷൻ ഓഫീസർ സജി മാത്യുവിൻ്റെ നേതൃത്വത്തിൽ സ്ക്യൂബാ ടീം അംഗങ്ങളായ എം അനിൽ കുമാർ, പി. എം റഷീദ്, സിദ്ദിഖ് ഇസ്മായിൽ എന്നിവരും സേനാംഗങ്ങളായ വിൽസൺ പി കുര്യാക്കോസ്, ഹോം ഗാർഡ് കെ ജെ ജേക്കബ് എന്നിവരാണ് തിരച്ചിൽ നടത്തിയത്..
