Connect with us

Hi, what are you looking for?

NEWS

ടാറിങ് കഴിഞ്ഞു, അടുത്ത മഴയത്ത് ഒലിച്ചും പോയി; ലോകോത്തര നിലവാരത്തിൽ അമ്പരന്ന് നാട്ടുകാർ.

കോതമംഗലം : ടാറിങ് കഴിഞ്ഞതിന്റെ മൂന്നാംപക്കം മഴയത്ത് റോഡ് ഒലിച്ചുപോയി. ഏറെ വിവാദങ്ങൾക്കും ചർച്ചകൾക്കും സാക്ഷിയായ റോഡാണ് ഊരംകുഴി കോട്ടപ്പടി കണ്ണക്കടറോഡ്. 2018 ൽ നിർമ്മാണം ആരംഭിച്ച ഈറോഡ് 2021 ആയിട്ടും പൂർണമായും പൂർത്തീകരിക്കാൻ സാധിച്ചിട്ടില്ല. അതിനിടയിലാണ് കോട്ടപ്പടി കണ്ണക്കട റോഡിൽ കല്ലുളി ഭാഗത്ത് റോഡ് ഒലിച്ചു പോയത്. ബിഎംബിസി നിലവാരത്തിൽ പൂർത്തീകരിച്ചു എന്ന് അവകാശപ്പെടുന്ന റോഡാണ് ഒരു മഴയത്ത് ഒലിച്ചു പോയത് എന്നതും ശ്രദ്ധേയമാണ്. നിലവിൽ ടാറിങ് പൂർത്തീകരിച്ച പലഭാഗത്തും റോഡുകൾ പൊളിഞ്ഞു തുടങ്ങിയത് നിർമ്മാണത്തിലെ കൃത്രിമത്വം ആണ് ചൂണ്ടിക്കാണിക്കുന്നത്.

ടാറിങ് കഴിഞ്ഞതിനെ പിറ്റേദിവസം തന്നെ കോട്ടപ്പടി ഹൈസ്കൂൾ ജംഗ്ഷനിലെ ടാറിങ് പൊളിഞ്ഞു പോയത് ജനങ്ങൾക്കിടയിൽ ആശങ്ക ഉയർത്തിയിട്ടുണ്ട്. ബിഎംബി സി നിലവാരമെന്ന് ഉദ്യോഗസ്ഥർ അവകാശപ്പെടുമ്പോഴും ഇതുവരെയും ഊരംകുഴി കണ്ണക്കട റോഡിന്റെ പണി പല മേഖലയിലും പൂർത്തീകരിക്കാൻ ഉണ്ട്. നിലവിൽ കല്ലുമല കയറ്റത്തിന്റെ ഭാഗത്ത് യാതൊരുവിധ നിർമ്മാണ പ്രവർത്തനങ്ങളും നടത്താതെയാണ് റോഡ് പണി പൂർത്തീകരിച്ചു എന്ന് അധികാരികൾ അവകാശപ്പെടുന്നത്.

നീണ്ട വർഷങ്ങളുടെ സമരത്തിന്റെ ഭാഗമായിട്ടാണ് റോഡ് പണി ആരംഭിക്കാൻ കഴിഞ്ഞത്. റോഡിലുള്ള അപാകത ഉടനെ മാറ്റിയില്ലെങ്കിൽ ശക്തമായ സമര പരിപാടികൾക്ക് ഒരുങ്ങുകയാണ് കോട്ടപ്പടിയിലെ ജനങ്ങൾ. ടോറസ് ഉൾപ്പെടുള്ള ഭാരവാഹനങ്ങൾ ഈ റോഡിലൂടെ താൽക്കാലികമായി നിരോധിച്ചിരിക്കുകയാണെന്ന പഞ്ചായത്ത് അധികാരികളുടെ അനൗദ്യോഗിക പ്രഖ്യാപനം കൂടി വന്നതോടുകൂടി റോഡ് പണിയുടെ പേരിലുള്ള വിഴുപ്പലക്കലുകൾ പൊതുജനങ്ങളുടെ ഇടയിൽ അവമതിപ്പിന് ഇടവരുത്തിയിരിക്കുകയാണ്.

 

You May Also Like

CHUTTUVATTOM

കോട്ടപ്പടി : വടക്കുംഭാഗം ആലക്കരയിൽ എൽദോ എ സി ( റിട്ട: അധ്യാപകൻ തോമസ് ഹയർ സ്കൂൾ കേളകം , കണ്ണൂർ ) 58 വയസ്സ് നിര്യാതനായി. സംസ്കാര ചടങ്ങുകൾ നാളെ (01...

NEWS

കോതമംഗലം : കോട്ടപ്പടിയിൽ 12.14 കോടി രൂപ ചിലവഴിച്ച് 2 ഘട്ടങ്ങളിലായി നടപ്പിലാക്കിയ ഗ്രാമീണ ഭവന കുടിവെള്ള പദ്ധതിയുടെ ഉദ്ഘാടനം പഞ്ചായത്ത് ഓഫീസിന് സമീപം വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ...

NEWS

Lകോട്ടപ്പടി :  ഹൈ-ലെവൽ കനാലിൽ നാഗഞ്ചേരി ഭാഗത്ത്‌ കുളിക്കാനിറങ്ങിയ യുവാവ് മുങ്ങിമരിച്ചു. നാഗഞ്ചേരി ഭാഗത്ത്‌ താമസിക്കുന്ന അഖിലേഷ് (19) ആണ് മരിച്ചത്. ഇടുക്കി രാജാക്കാട് സ്വദേശിയായ അഖിലേഷ് പഠനസൗകര്യാർത്ഥം നാഗഞ്ചേരിയിലുള്ള മാതാവിന്റെ വീട്ടിലായിരുന്നു...

NEWS

കോതമംഗലം: സ്വകാര്യ ബസും ബൈക്കും കൂട്ടിയിടിച്ച് രണ്ട് യുവാക്കൾക്ക് ദാരുണാന്ത്യം. കോട്ടപ്പടി ഉപ്പുകണ്ടം റൂട്ടിൽ ചീനിക്കുഴിയിൽ ഉണ്ടായ വാഹന അപകടത്തിൽ ബൈക്ക് യാത്രികരായ കോട്ടപ്പടി ഉപ്പുകണ്ടം തൂപ്പനാട്ട് തങ്കപ്പൻ മകൻ വിമൽ(38), തോളെലി...