കോതമംഗലം: DYFI നേതൃത്വത്തിൽ കോവിഡ് പ്രതിരോധ പ്രവർത്തനങ്ങൾ ഏകോപിപ്പിക്കുന്നതിനു കോതമംഗലം മുൻസിപ്പൽ പരിധിയിൽ ഹെൽപ് ഡസ്ക് പ്രവർത്തനം ആരംഭിച്ചു. രോഗികളുടെ യാത്രയും മരുന്ന് ഭക്ഷണം, വീടുകളുടെ ഡിസൈൻഫെകഷൻ ഉൾപ്പെടെയുള്ള ആവശ്യസാധനങ്ങൾ എന്നിവക്ക് ഹെൽപ് ഡെസ്ക്കുമായി ബന്ധപ്പെടാവുന്നതാണ്. ഗവണ്മെന്റ് ആശുപത്രിക്ക് സമീപം എ കെ ജി റോഡിൽ പ്രവർത്തിക്കുന്ന ഹെൽപ് ഡസ്ക് ഓഫീസ് ആന്റണി ജോൺ എം എൽ എ ഉൽഘാടനം ചെയ്തു.
ആരോഗ്യ സ്റ്റാൻഡിങ് കമ്മിറ്റി ചെയർമാൻ കെ വി തോമസ്, ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ എ നൗഷാദ്, ബ്ലോക്ക് സെക്രട്ടറി ആദർശ് കുര്യാക്കോസ്, മേഖല സെക്രട്ടറിമാരായ എൽദോസ് പോൾ, എൽസൺ വി സജി, കെ ജെ ചന്ദ്രപാൽ, ടി എ ഷാഹിൻ കെ എൻ ശ്രീജിത്ത് എസ് എഫ് ഐ ഏരിയ സെക്രട്ടറി ജോജിഷ് ജോഷി തുടങ്ങിയവർ പങ്കെടുത്തു.
