കോതമംഗലം :- കോതമംഗലം മതമൈത്രി സംരക്ഷണ സമിതിയുടെ നേതൃത്വത്തിൽ നടക്കുന്ന അനിശ്ചിതകാല റിലേ സത്യാഗ്രഹത്തിന്റെ എൺപതാം ദിന സമ്മേളനം രാഷ്ട്രീയ സാമൂഹിക നേതാക്കന്മാരുടെയും കോതമംഗലത്തെ നാനാജാതി മതസ്ഥരായ വിശ്വാസികളുടെയും നേതൃത്വത്തിൽ നടന്നു. മുൻ എംഎൽഎ ജോണി നെല്ലൂർ ഉദ്ഘാടനം ചെയ്ത് സംസാരിച്ചു. കൺവീനർ എ.ജി ജോർജ് അധ്യക്ഷത വഹിച്ചു. കെ. എ നൗഷാദ്, പി. എ സോമൻ, കെ. പി. ബാബു, എ. റ്റി പൗലോസ്, എൻ. സി. ചെറിയാൻ, മഞ്ജു സിജു, ഭാനുമതി രാജു, ഷമീർ പനയ്ക്കൽ, ബിനു ചെറിയാൻ, എബി എബ്രഹാം, ആന്റണി പാലക്കുഴി, കെ. ഐ ജേക്കബ്, ബെന്നി നടുവത്ത്, പി. എസ് നജീബ്, ജോർജ് എടപ്പാറ എന്നിവർ പ്രസംഗിച്ചു.
മാർതോമാ ചെറിയപള്ളിയും കബറിടവും ഏതൊരു ഘട്ടത്തിലും യാതൊരു കാരണവശാലും വിട്ടുകൊടുക്കില്ലെന്ന ശക്തമായ പ്രഖ്യാപനത്തോടെ മതമൈത്രി സംരക്ഷണസമിതിയുടെ നേതൃത്വത്തിൽ അനിശ്ചിതകാലസമര പരിപാടികൾ രൂപവും ഭാവവും മാറ്റി ശക്തമാക്കി. പള്ളി അങ്കണത്തിൽ നടന്നുവന്നിരുന്ന അനിശ്ചിതകാല റിലേ സത്യാഗ്രഹം എൺപതാം ദിവസമായ ഇന്നലെ മുതൽ പള്ളിയുടെ പ്രധാന വീഥിയിലെ പ്രവേശനകവാടത്തിൽ കൊച്ചി-ധനുഷ്കോടി ഹൈവേക്കരികിൽ പന്തൽ കെട്ടി അനിശ്ചിതകാല ഉപവാസ റിലേ സത്യാഗ്രഹം തുടങ്ങി. യുഡിഎഫ് സെക്രട്ടറിയും മുൻ എം.എൽ.എയുമായ ജോണിനെല്ലൂർ എൺപതാംദിന സത്യാഗ്രഹം ഉദ്ഘാടനം ചെയ്തു.
ക്രൈസ്തവ മൂല്യങ്ങൾക്ക് വില കൽപ്പിക്കുന്നവരാണ് മറുവിഭാഗം എങ്കിൽ വലിയ നോമ്പുകാലം ആരംഭിക്കും മുൻപ് തന്നെ ആ പള്ളിയുടെ മുഖ്യ ഉടമസ്ഥരായ യാക്കോബായ വിശ്വാസികൾക്ക് സ്വാതന്ത്ര്യത്തോടെ കൂടി ആരാധനയ്കായി പള്ളി നല്കണമെന്ന് അദ്ദേഹം ആവശ്യപ്പെട്ടു. ഇവർ ഇതുവഴി ഈ വലിയ നോമ്പ് കാലത്ത്ചെയ്യുന്ന ഏറ്റവും വലിയ ക്രൈസ്തവ സാക്ഷ്യത്തിന് നേതൃത്വം നൽകലായിരിക്കുമെന്നും അദ്ദേഹം പറഞ്ഞു. ന്യായത്തെകാൾ നീതിക്ക് വിലകൽപ്പിക്കേ ണ്ട കാലമാണ് വലിയ നോമ്പുകാലം എന്ന കാര്യം അദ്ദേഹം അനുസ്മരിച്ചു. മതമൈത്രി സംരക്ഷണ സമിതി ചെയർമാൻ എ.ജി ജോർജ് അധ്യക്ഷത വഹിച്ചു. മുനിസിപ്പൽ ചെയർപേഴ്സൺ മഞ്ജു സിജു, മർച്ചന്റസ് അസോസിയേഷൻ മേഖലാ പ്രസിഡണ്ട് ഇ. കെ.സേവ്യർ ഷിബു തെക്കുംപുറം, കെ. എ. നൗഷാദ്, പി.എ. സോമൻ, കെ.പി. ബാബു, പി.ടി. ജോണി, ഭാനുമതി രാജു, ഷെമീർ പനയ്ക്കൽ, ബിനു ചെറിയാൻ, എ.ടി.പൗലോസ്, എബിഎബ്രഹാം, സി.ഐ ബേബി, ബിനോയ് തോമസ് മണ്ണഞ്ചേരി, ആന്റണി പാലക്കുഴി, റോയി കെ.പോൾ, ജോർജ് എടപ്പാറ, അനൂപ് ഇ ട്ടൻ, ജെസിമോൾ ജോസ്, എൻ.സി ചെറിയാൻ, ജെയിംസ് കോറമ്പേൽ, കെ. ഐ. ജേക്കബ് എന്നിവർ പ്രസംഗിച്ചു.
നിത്യവും രാവിലെ 10 മുതൽ വൈകിട്ട് വരെ തുടരുന്ന ഉപവാസ സമരത്തിൽ സ്ത്രീകളും കുട്ടികളും ഉൾപ്പടെ നൂറുകണക്കിന് ആളുകൾ സംബന്ധിക്കുമെന്ന് വികാരി ഫാ : ജോസ് പരത്തുവയലിൽ അറിയിച്ചു. പരിശുദ്ധ എൽദോ ബാവയുടെ കബറിടവും പള്ളിയും സംരക്ഷിക്കണമെന്നാവശ്യപ്പെട്ട് 28 ന് പള്ളിവാസലിൽ നിന്നുംവിശ്വാസ പ്രചരണ റാലി ആരംഭിക്കും. 335 വർഷം മുൻപ് ബാവയും അദ്ദേഹത്തോടൊപ്പമുണ്ടായിരുന്നവരും ഒരുമിച്ചിരുന്നു പ്രാർത്ഥിച്ച പള്ളിവാസലിൽ നിന്ന് 28ന് 11 മണിക്ക് വിശ്വാസ പ്രചരണജാഥ ആരംഭിക്കും. ഇടുക്കി ജില്ലയിലെ പള്ളിവാസൽ അള്ളാ കോവിലിൽ നിന്ന് ആയിരങ്ങളുടെ അകമ്പടിയോടെയാണ് വിശ്വാസ പ്രചരണജാഥ ആരംഭിക്കുന്നത്. മുത്തുക്കുടകളുടെയും വൈദ്യുതി അലങ്കാരങ്ങളുടെ യും കമനീയ അല ങ്കാരത്തോടെയും വർണ്ണാഭമാക്കി പരിശുദ്ധ ബാവായുടെ കബറിട ചാ യാചിത്രംപള്ളിവാസൽ പഞ്ചായത്ത് പ്രസിഡന്റ് തുളസിദാസ് ഫ്ലാഗ് ഓഫ് ചെയ്യും. പള്ളിവാസൽ ആനച്ചാൽ കൂമ്പാറ അടിമാലി ഇരുമ്പുപാലം നേര്യമംഗലം എന്നിവിടങ്ങളിലെ വൻ വർണ്ണഭമാർന്ന സ്വീകരണങ്ങൾക്ക് ഏറ്റുവാങ്ങി ചെറിയ വലിയ താഴത്തെ സമരവേദിയിൽ എത്തും. തുടർന്ന് സമ്മേളനം ചേരും.
You must be logged in to post a comment Login