കോതമംഗലം : ആഗോള സർവമത തീർത്ഥാടന കേന്ദ്രമായ കോതമംഗലം മാർ തോമ ചെറിയ പള്ളിയുടെ നേതൃത്വത്തിൽ കോതമംഗലം പട്ടണത്തിൽ കരോൾ റാലി സംഘടിപ്പിച്ചു. തങ്കളത്ത് നിന്നും ആരംഭിച്ച റാലി കോഴിപ്പിള്ളിയിൽ എത്തി തിരികെ ചെറിയ പള്ളിയിൽ സമാപിച്ചു. ആന്റണി ജോൺ എം. എൽ. എ. കരോൾ റാലി ഫ്ലാഗ് ഓഫ് ചെയ്തു.
വികാരി ഫാ. ജോസ് പരത്തുവയലിൽ അധ്യക്ഷത വഹിച്ച ചടങ്ങിൽ മത മൈത്രി സംരക്ഷണ സമിതി ചെയർമാൻ എ. ജി. ജോർജ്, ഡോ. ലിസി ജോസ്, ബാബു പോൾ, പി റ്റി ജോണി, ലിസ്സി പോൾ, സേവിയർ ഇലഞ്ഞിക്കൽ, സഹവികാരിമാരായ ഫാ. എൽദോസ് കാക്കനാട്ട്, ഫാ. ബിജു അരീക്കൽ, ഫാ.ബേസിൽ കൊറ്റിക്കൽ, ഫാ. എൽദോസ് കുമ്മംകോട്ടിൽ, ട്രസ്റ്റിമാരായ സി. ഐ. ബേബി, ബിനോയ് മണ്ണൻചേരിൽ, ജോമോൻ പാലക്കാടൻ, പി. വി. പൗലോസ്, ബേബി ആഞ്ഞിലി വേലിൽ, മാനേജിങ് കമ്മിറ്റി അംഗങ്ങൾ, ഭക്ത സംഘടന പ്രവർത്തകർ, പള്ളിയുടെ കീഴിലുള്ള സ്ഥാപനങ്ങളിലെ ജീവനക്കാർ തുടങ്ങിയ ആയിരങ്ങൾ പങ്കെടുത്തു. റാലിയിൽ നൂറു കണക്കിന് ക്രിസ്തുമസ് പാപ്പമാർ പങ്കെടുത്തു. നിശ്ചല ദ്രശ്യങ്ങൾ, ബാൻഡ് മേളം എന്നിവ റാലിക്ക് കൊഴുപ്പേകി.
