കോതമംഗലം: കോതമംഗലം മുനിസിപ്പാലിറ്റി – കീരംപാറ പഞ്ചായത്ത് അതിർത്തി പങ്കിടുന്ന നാടുകാണി – പൊട്ടൻമുടി റോഡ് ഏറെ വർഷങ്ങളായി കാൽനടയാത്ര പോലും സാധ്യമല്ലായിരുന്നു. MLA യുടെ ആസ്തി വികസന ഫണ്ടിൽ നിന്നും 10 ലക്ഷം രൂപ ചെലവഴിച്ചാണ് റോഡിൻ്റെ നിർമ്മാണം പൂർത്തീകരിച്ചത്. റോഡിന്റെ ഉദ്ഘാടനം ആന്റണി ജോൺ MLA നിർവ്വഹിച്ചു.
പഞ്ചായത്ത് പ്രസിഡന്റ് വി സി ചാക്കോ അധ്യക്ഷത വഹിച്ച ചടങ്ങിൽ ജില്ലാ പഞ്ചായത്ത് മെമ്പർ കെ കെ ദാനി,ബ്ലോക്ക് പഞ്ചായത്ത് മെമ്പർ ജോമി തെക്കേക്കര,പഞ്ചായത്ത് മെമ്പർ എം പി ഗോപി,ഇ പി രഘു,രാജു മാത്യു,എ കെ ശശി എന്നിവർ സന്നിഹിതരായിരുന്നു
