കീരംപാറ : വൈകിട്ട് മഴയോടൊപ്പം എത്തിയ കാറ്റിൽ തെങ്ങ് വീടിനു മുകളിൽ വീണ് വീട് തകർന്നു. കീരംപാറ കല്ലാനിക്കൽ പോക്കളം പി എൻ ബിനുവിന്റെ വീടാണ് ഇന്ന് വൈകന്നേരം ഉണ്ടായ കാറ്റിൽ തെങ്ങ് ഒടിഞ്ഞ് വീണ് നശിച്ചത്. സമീപത്തെ പുരയിടത്തിലെ മാവ് ഒടിഞ്ഞ് തെങ്ങിൽ വീണ് തെങ്ങ് ഒടിഞ്ഞ് വീടിന്റെ മുകളിൽ വീഴുകയായിന്നു. അയൽവാസിയായ പ്രകാശ് കല്ലാനിക്കലിന്റെ 50 ഇഞ്ച് വണ്ണമുള്ള മാവാണ് ഒടിഞ്ഞ് വീണത്.വീട്ടിൽ ആളുകൾ ഉണ്ടായിരുന്നു ആർക്കും പരിക്കില്ല.
കോതമംഗലത്ത് നിന്ന് ഫയർ ഫോഴ്സ് എത്തി തെങ്ങും മാവും മുറിച്ചുമാറ്റി റോഡ് ഗതാഗതയോഗ്യമാക്കി. കോതമംഗലത്ത് നിന്നും സിനിയർ ഫയർ ആൻറ് റെസ്ക്യൂ ഓഫീസർ കെ എം മുഹമ്മദ് ഷാഫിയുടെ നേതൃത്വത്തിൽ അഗ്നി രക്ഷാ സേന എത്തിയാണ് മരം മുറിച്ചുമാറ്റി അവകടാവസ്ഥ ഒഴിവാക്കിയത്. കെ കെ ബിനോയി, കെ എം ഇബ്രാഹിം,ജെയിംസ് ജോയി, എസ് അൻഷാദ്, സി എസ് അനിൽകുമാർ എന്നിവരും രക്ഷാപ്രവർത്തനത്തിൽ പങ്കെടുത്തു.
