കോതമംഗലം: രാജ്യ സുരക്ഷയെ അപകടത്തിലാക്കി ആയുധ നിർമ്മാണ ശാലകൾ സ്വകാര്യ കുത്തക മുതലാളിമാർക്ക് വിറ്റഴിക്കാനുള്ള കേന്ദ്ര സർക്കാർ നടപടിയിലും ഇതിനെതിരെ സമരാഹ്വാനം നടത്തിയ ട്രേഡ് യൂണിയൻ സംഘടനകൾക്കെതിരെ സമര വിലക്ക് ഏർപ്പെടുത്തിയതിൽ പ്രതിഷേധിച്ചും സംയുക്ത ട്രേഡ് യൂണിയന്റെ നേതൃത്വത്തിൽ കോതമംഗലം പോസ്റ്റോഫീസിന് മുന്നിൽ പ്രതിഷേധ ധർണ്ണ നടത്തി. ഐ എൻ റ്റി യു സി കോതമംഗലം താലൂക്ക് പ്രസിഡന്റ് അഡ്വ: അബു മൊയ്തീൻ സമരം ഉദ്ഘാടനം ചെയ്തു. എ ഐ റ്റി യു സി താലൂക്ക് സെക്രട്ടറി എം എസ് ജോർജ് അദ്ധ്യക്ഷനായി.
എച്ച് എം എസ് സംസ്ഥാന വൈസ് പ്രസിഡന്റ് മനോജ് ഗോപി മുഖ്യ പ്രഭാഷണം നടത്തി. സി ഐ റ്റി യു താലൂക്ക് സെക്രട്ടറി കെ. എ. ജോയി സ്വാഗതവും ഐ എൻ റ്റി യു സി താലൂക്ക് സെക്രട്ടറി റോയ് കെ പോൾ നന്ദിയും പറഞ്ഞു. സമരത്തിൽ സീതി മുഹമ്മദ് ,സി പി എസ് ബാലൻ , പി പി മൈതീൻ ഷാ .ബഷീർ ചിറങ്ങര .സി എസ് ജോണി ,എന്നിവർ പ്രസംഗിച്ചു.
