Connect with us

Hi, what are you looking for?

NEWS

പല്ലാരിമംഗലം ഗ്രാമപഞ്ചായത്ത് പ്രസിഡന്റിനും, വാർഡ് മെമ്പർക്കുമെതിരെ ജാമ്യമില്ലാ വകുപ്പ് പ്രകാരം കേസ്.

പല്ലാരിമംഗലം : പല്ലാരിമംഗലം പഞ്ചായത്തിൽ ഈട്ടിപ്പാറ – മോഡേൺപടി റോഡിലെ അനധികൃത മണ്ണെടുപ്പുമായി ബന്ധപ്പെട്ട് ഗ്രാമപഞ്ചായത്ത് സെക്രട്ടറിയുടെ പരാതിയിൽ പഞ്ചായത്ത് പ്രസിഡന്റ് പി കെ മൊയ്തു, വാർഡ്മെമ്പർ ഷാജിമോൾ റഫീക്ക്, ഇടനിലക്കാരനും ഈട്ടിപ്പാറ സ്വദേശിയും പെരുമ്പാവൂർ താലൂക്ക് സർവേയറുമായ കോലോത്ത് അനസ്, മണ്ണെടുപ്പ്കാരായ അടിവാട് കുപ്പശ്ശേരിയിൽ നൗഫൽ, കൂറ്റംവേലി കൂട്ടുങ്ങൽ അജി എന്നിവരെ പ്രതിയാക്കി ജാമ്യമില്ലാ വകുപ്പ് പ്രകാരം പോത്താനിക്കാട് പോലീസ് കേസെടുത്തു.

പഞ്ചായത്ത് കമ്മിറ്റി തീരുമാനമില്ലാതെ ഗതാഗത ഗോഗ്യമായിരുന്ന ടാർറോഡ് ആറടി താഴ്ചയിൽ കുഴിച്ച് ഇരുന്നൂറ് ലോഡ് മണ്ണ് കടത്തിക്കൊണ്ട് പോയി എന്നതാണ് കേസ്. ഈ പ്രശ്നം ചൂണ്ടിക്കാണിച്ച് കൊണ്ട് പഞ്ചായത്ത് ഭരണകക്ഷിയായ മുസ്ലിം ലീഗിന്റെ പഞ്ചായത്ത് ജനറൽ സെക്രട്ടറി കൂടിയായ ഈട്ടിപ്പാറ സ്വദേശി കുറിഞ്ഞിലിക്കാട്ട് മൈതീനാണ് ആദ്യം ഗ്രാമ പഞ്ചായത്ത് സെക്രട്ടറിക്ക് പരാതി നൽകിയത്. പിന്നീട് സി പി ഐ എം പല്ലാരിമംഗലം ലോക്കൽ കമ്മിറ്റിയും പഞ്ചായത്ത് സെക്രട്ടറിക്ക് പരാതി നൽകിയതോടെ സെക്രട്ടി പോലീസിൽ പരാതി നൽകുകയായിരുന്നു.
ഇതേതുടർന്നാണ് ഇപ്പോൾ പോലീസ് കേസെടുത്തിരിക്കുന്നത്.

ഗ്രാമ പഞ്ചായത്ത് സെക്രട്ടറിയുടെ പരാതിയുടെ അടിസ്ഥാനത്തൽ പഞ്ചായത്ത് പ്രസിഡന്റ്, വാർഡ് ,മെമ്പർ എന്നിവർക്കെതിരെ ജാമ്യമില്ലാ വകുപ്പ് ചുമത്തി കേസെടുത്ത സംഭവം പല്ലാരിമംഗലത്തെ മുസ്ലിം ലീഗിൽ ശക്തമായ ചേരിപ്പോരിന് ഇടയ്ക്കിരിക്കുകയാണ്. കാലങ്ങളായി പാർട്ടിയിൽ തുടരുന്ന വിഭാഗീയത ഒരു ഇടവേളക്ക് ശേഷം മറനീക്കി പുറത്ത് വന്നിരിക്കുകയാണ്. ഇരുവിഭാഗങ്ങളും തമ്മിൽ പരസ്യ വെല്ലുവിളികളിലേക്ക് വരെ കാര്യങ്ങളെത്തി. ക്രമവിരുദ്ധ നിലപാട് കൈകൊണ്ട് പ്രതികളായവരുടെ പേരിൽ പാർട്ടി സംഘടനാ നടപടി കൈകൊള്ളണമെന്ന് ഒരു വിഭാഗവും, പഞ്ചായത്ത് തെരഞ്ഞെടുപ്പുൾപ്പെടെ വരാനിരിക്കുന്ന സാഹചര്യത്തിൽ ഉത്തരവാദിത്വപ്പെട്ട സ്ഥാനത്തിരുന്നു കൊണ്ട് പരാതി കൊടുത്ത് പാർട്ടിക്കും, പഞ്ചായത്ത് ഭരണസമിതിക്കും നാണക്കേടുണ്ടാക്കിയ നേതാവിനെതിരെ നടപടി വേണമെന്ന് മറുവിഭാഗവും ആവശ്യപ്പെടുന്നു. അതിനിടെ മണ്ണ്കടത്താനുപയോഗിച്ച രണ്ട് ടിപ്പറുകൾ പോലീസ് കസ്റ്റഡിയിലെടുത്തു
വെങ്കിലും മണ്ണ്മാന്താനുപയോഗിച്ച പെരുമ്പാവൂർ കോടനാട് സ്വദേശിയുടെ ഹിറ്റാച്ചി കസ്റ്റഡിയിലെടുക്കാതെ പോലീസ് കേസിൽ അലംഭാവം കാണിക്കുന്നതായും പരാതി ഉയർന്നിട്ടുണ്ട്.

പഞ്ചായത്ത് സെക്രട്ടറി പോലീസിൽ പരാതി കൊടുത്തതല്ലാതെ നഷ്ടംതിട്ടപ്പെടുത്തി അത് പ്രതികളിൽ നിന്നും ഈടാക്കുവാനുള്ള ഒരു നടപടിയും സ്വീകരിക്കാത്തതും ആക്ഷേപമായി നിലനിൽക്കുയാണ്. കേസിലുൾപ്പെട്ട താലൂക്ക് സർവയർക്കെതിരെ റെവന്യൂ വകുപ്പ് മന്ത്രിക്കും, റെവന്യു സെക്രട്ടറിക്കും പരാതി നൽകാനും സാധ്യത നിലനിൽക്കുന്നു. അതിനിടെ കേസിലെ നാലും, അഞ്ചും പ്രതികളായ നൗഫൽ, അജി എന്നിവർ കോടതിയിൽ നിന്നും മുൻകൂർജാമ്യം നേടി. ഈ വിഷയത്തിൽ വിജിലൻസ് ഡയറക്ടർ, തദ്ദേശസ്വയംഭരണ വകുപ്പ്മന്ത്രി, കളക്ടർ തുടങ്ങിയവർക്കും സി പി ഐ എം നേരത്തെ പരാതി നൽകിയിട്ടുണ്ട്. ലോക്ഡൗൺ കഴിയുന്നതോടെ വിഷയത്തിൽ ശക്തമായ ജനകീയ പ്രക്ഷോഭത്തിനും സി പി ഐ എം തയ്യാറെടുക്കുകയാണ്.

You May Also Like

NEWS

കോതമംഗലം: അങ്കമാലി- കാലടി കുററിലക്കര കേന്ദ്രമായി പ്രവർത്തിക്കുന്ന മധ്യ കേരളത്തിൽ ക്ഷീര കർഷക മേഖലയിലെ ഏറ്റവും വലിയ പ്രസ്ഥാനമായ പി.ഡി.ഡി.പി ഡയറിയുടെ ബോർഡ് സെക്രട്ടറിയായി കോതമംഗലം താലൂക്കിലെ പല്ലാരിമംഗലം സ്വദേശിയായ കെ.ജെ. ബോബനെതിരഞ്ഞെടുത്തു....

NEWS

കോതമംഗലം:മതസൗഹാർദ്ധ സംഗമത്തിൻ്റെ ഈറ്റില്ലമ്മായ പല്ലാരിമംഗലത്തിൻ്റെ മണ്ണിൽ വീണ്ടും ഒരു സൗഹൃദ കൂട്ടായ്മയ്ക്ക് സാക്ഷ്യം വഹിച്ചു പല്ലാരിമംഗലം ശിവക്ഷേത്രം. അകാലത്തിൽ നമ്മെ വിട്ട് പിരിഞ്ഞ ഷാനവാസിൻ്റെ കുടുംബത്തിന് പൊതുജന പങ്കാളിത്വത്തോടുകൂടി നിർമ്മിച്ച് നൽകുന്ന ഭവനത്തിന്...

NEWS

പല്ലാരിമംഗലം: ഗ്രാമപഞ്ചായത്ത് കുടുംബശ്രീ സിഡിഎസ്സിന്റെ ഇരുപത്തിഒന്നാമത് വാർഷികാഘോഷം എംഎൽഎ ആന്റണി ജോൺ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ഖദീജ മുഹമ്മദ് അദ്ധ്യക്ഷത വഹിച്ചു. ജില്ലാമിഷൻ കോഡിനേറ്റർ ടി എം റെജീന മുഖ്യപ്രഭാഷണം നടത്തി....

NEWS

കോതമംഗലം: വീട്ടുകാരുടെ പരാതിയുടെ അടിസ്ഥാനത്തിൽ പല്ലാരിമംഗലം സ്വദേശിനി നഴ്‌സ് അമീനയുടെ മരണത്തിന് കാരണക്കാരനായ അമാന ആശുപത്രി മുൻ ജനറൽ മാനേജർഎൻ. അബ്ദുൽ റഹ്‌മാൻ അറസ്റ്റിൽ. ചൊവ്വാഴ്ച വൈകിട്ട് കസ്റ്റഡിയിലായ അബ്ദുൽറഹ്‌മാനെ തിരൂർ ഡി.വൈ.എസ്.പി...

NEWS

കോതമംഗലം: ലയൺസ് ഇൻ്റർനാഷണൽ ഡിസ്ട്രിക്ട് 318 C ഈ വർഷം ചിറ്റിലപ്പിള്ളി ഫൗണ്ടേഷനുമായി സഹകരിച്ചു കൊണ്ട് നടപ്പിലാക്കുന്ന ‘സ്വപ്ന ഭവനം’ പാർപ്പിടപദ്ധതിയുടെ ഭാഗമായി കോതമംഗലം ഗ്രേറ്റർ ലയൺസ്ക്ലബിൻ്റെ നേതൃത്വത്തിൽ കീരംപാറ പഞ്ചായത്തിൽ പുന്നെകാട്...

NEWS

കവളങ്ങാട്: കൂവള്ളൂര്‍ ഇര്‍ഷാദിയ്യ റസിഡന്‍ഷ്യല്‍ പബ്ലിക് സ്‌കൂളില്‍ പുതുതായി നിര്‍മിച്ച സ്പോര്‍ട്സ് വില്ലേജ് ഫുട്ബോള്‍ ആന്റ് ക്രിക്കറ്റ് ടര്‍ഫ് നാടിന് സമര്‍പ്പിച്ചു. അഡ്വ. ഡീന്‍ കുര്യാക്കോസ് എംപി ഉദ്ഘാടനം നിര്‍വഹിച്ചു. ആന്റണി ജോണ്‍...

NEWS

കോതമംഗലം : അടിവാട് സെവൻസ് ഫുട്ബോൾ ടൂർണമെന്റിനിടെ ഗാലറി തകർന്ന് നിരവധി പേർക്ക് പരുക്ക്. ഫുട്ബോൾ ടൂർണമെന്റിനായി കെട്ടിയ താൽക്കാലിക ഗാലറി ഒരുവശത്തേയ്ക്ക് മറിഞ്ഞ് വീഴുകയായിരുന്നു. നാലായിരത്തിലധികം പേരാണ് മത്സരം കാണാനെത്തിയത്. മത്സരം...

SPORTS

പല്ലാരിമംഗലം : കഴിഞ്ഞ ഇരുപത്തിഏഴ് വർഷക്കാലമായി സാമൂഹീക സാംസ്കാരീക ആരോഗ്യ ജീവകാരുണ്യ ശുചീകരണ കലാകായീക മേഖലകളിൽ സജീവ സാന്നിദ്ധ്യമായി പ്രവർത്തിച്ചുവരുന്ന അടിവാട് ഹീറോ യംഗ്സ് ക്ലബ് ആൻഡ് റീഡിങ് റൂമിൻ്റെ ആഭിമുഖ്യത്തിൽ കിടപ്പ്...

NEWS

കോതമംഗലം : പൈമറ്റം ഗവൺമെന്റ് യുപി സ്കൂളിലും സമീപത്തെ അങ്കണവാടിയിലും രാത്രിയുടെ മറവിൽ സാമൂഹ്യ വിരുദ്ധർ അതിക്രമം നടത്തി. അങ്കണവാടിയിലെ ശുചിമുറിയുടെ വാതിൽ ചവിട്ടിപ്പൊളിക്കുകയും വെളുത്തനിറത്തിലുള്ള മാലിന്യം ശുചിമുറിയിൽ നിക്ഷേപിക്കുകയും ചെയ്തിട്ടുണ്ട്. സ്കൂളിൽ...

NEWS

പല്ലാരിമംഗലം : സംസ്ഥാന സർക്കാർ അനുവദിച്ച 1 കോടിരൂപ ചെലവഴിച്ച് നവീകരണപ്രവർത്തനങ്ങൾ പൂർത്തീകരിച്ച ഐക്യകേരളത്തിന്റെ ആദ്യത്തെ മുഖ്യമന്ത്രി ഇഎംഎസ്സിന്റെ നാമധേയത്തിലുള്ള പല്ലാരിമംഗലം ഗ്രാമപഞ്ചായത്ത് സ്റ്റേഡിയം യുവജനകാര്യ കായികവകുപ്പ് മന്ത്രി വി അബ്ദുൾറഹ്മാൻ ഉദ്ഘാടനം...

SPORTS

കോതമംഗലം : എഴുപത്തിയെട്ടാമത് സന്തോഷ് ട്രോഫി ഫുട്ബോൾ ടൂർണമെന്റിൽ റണ്ണറപ്പായ കേരള ടീമിന്റെ സഹപരിശീലകനും, കോതമംഗലം മാർ അത്തനേഷ്യസ് കോളേജ് പ്രഫസറും, പല്ലാരിമംഗലം മിലാൻ ഫുട്ബോൾ ക്ലബ്ബ് മെമ്പറുമായ ഹാരി ബെന്നിയെ മിലാൻ...

ACCIDENT

കോതമംഗലം : അടിവാട് കോതമംഗലം റോഡിൽ കോഴിപ്പിള്ളിക്കും പിടവൂരിനും ഇടയിൽ ടോറസ് ലോറിയും നാഷണൽ പെർമിറ്റ് ലോറിയും കൂട്ടി ഇടിച്ചു. ആളാപായമില്ല. രാവിലെ പതിനൊന്ന് മണിയോടെയാണ് അപകടം. പാറമടയിലേക്ക് കയറ്റാനായി വരികയായിരുന്ന ടോറസ്...

error: Content is protected !!