കോതമംഗലം :വാരപ്പെട്ടി പഞ്ചായത്തിലെ ഇളങ്ങവം ലക്ഷം വീട് കോളനി സാംസ്കാരിക നിലയത്തിന്റെ നിർമ്മാണ പ്രവർത്തനങ്ങളുടെ ഉദ്ഘാടനം ആന്റണി ജോൺ എംഎൽഎ നിർവഹിച്ചു. ഗ്രാമ പഞ്ചായത്ത് പ്രസിഡന്റ് പി കെ ചന്ദ്ര ശേഖരൻ നായർ അധ്യക്ഷത വഹിച്ചു.വാർഡ് മെമ്പർ ദിവ്യ സലി സ്വാഗതം ആശംസിച്ചു.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
എം എൽ എ പ്രാദേശിക വികസന ഫണ്ടിൽ നിന്നും 10 ലക്ഷം രൂപ ചിലവഴിച്ച് കൊണ്ടാണ് നിലയത്തിന്റെ നിർമ്മാണ പ്രവർത്തനങ്ങൾ ആരംഭിക്കുന്നത്. ബ്ലോക്ക് വൈസ് പ്രസിഡന്റ് ഡയാന നോബി, പഞ്ചായത്ത് അംഗങ്ങളായ എയ്ഞ്ചൽ മേരി,എം എസ് ബെന്നി, സി പി ഐ എം ലോക്കൽ സെക്രട്ടറി എം ബി വർഗീസ്, വാരപ്പെട്ടി സർവീസ് സഹകരണ ബാങ്ക് പ്രസിഡന്റ് എ എസ് ബാലകൃഷ്ണൻ തുടങ്ങിയവർ ചടങ്ങിൽ സന്നിഹിതരായിരുന്നു.
![](https://kothamangalamnews.com/wp-content/uploads/2023/11/kothamangalamnews.png)