കനത്ത മഴയിൽ അപകടാവസ്ഥയിലായ ഹോമിയോ ആശുപത്രി കെട്ടിടം പുനർനവീകരണം നടത്തണമെന്ന ആവശ്യം ശക്തമാകുന്നു.

കോതമംഗലം : നെല്ലിക്കുഴി ഗ്രാമ പഞ്ചായത്തിന്റെ കീഴിൽ 11 ആം വാർഡിലെ ഇരമല്ലൂർ ചിറപ്പടിയിൽ പ്രവർത്തിക്കുന്ന ഹോമിയോ ആശുപത്രി കഴിഞ്ഞ ദിവസങ്ങളിൽ ഉണ്ടായ കനത്ത മഴയെ തുടർന്ന് കെട്ടിടത്തിന്റെ സംരക്ഷണഭിത്തിയടക്കം കെട്ടിടത്തിന്റെ ഫൗണ്ടേഷൻ അടക്കം തകർന്ന് ചിറയിലേക്ക് പതിച്ചിരിക്കുകയാണ്. അതു കൊണ്ട് തന്നെ ഹോമിയോ ആശുപത്രി കെട്ടിടം വളരെ അപകടാവസ്ഥയിലാണ്, ആയതിനാൽ കെട്ടിടത്തിന്റെ പുനർനവീകരണം ഉടൻ പൂർത്തിയാക്കാനും അതുവരെ ആശുപത്രിയുടെ പ്രവർത്തനങ്ങൾ ഉചിതമായ മറ്റൊരു വാടക കെട്ടിടത്തിലേക്ക് മാറ്റി സ്ഥാപിക്കാനും ഉടൻ നടപടി ഉണ്ടാകണമെന്ന് UDF 11 ആം വാർഡ് കമ്മിറ്റി ആവശ്യപ്പെട്ടു.