കോതമംഗലം – കോവിഡ് 19 ആശ്വാസ നടപടികളുടെ ഭാഗമായി സംസ്ഥാന സർക്കാർ പ്രഖ്യാപിച്ച 11 ഇനം സാധനങ്ങൾ അടങ്ങിയ “സൗജന്യ ഓണ കിറ്റ് ” പിങ്ക് റേഷൻ കാർഡ് ഉടമകൾക്കുള്ള വിതരണം കോതമംഗലം മണ്ഡലത്തിൽ നാളെ മുതൽ ആരംഭിക്കുമെന്ന് ആൻറണി ജോൺ MLA അറിയിച്ചു. താലൂക്കിലെ 22961 പിങ്ക് കാർഡുടമകൾക്കാണ് കിറ്റ് വിതരണം നടത്തുന്നത്.തുടർന്ന് നീല, വെള്ള കാർഡുകൾക്കുള്ള വിതരണം ആരംഭിക്കുമെന്നും, സമയ ബന്ധിതമായി വിതരണം പൂർത്തീകരിക്കുന്നം MLA പറഞ്ഞു. പഞ്ചസാര 1 കിലോ,ചെറുപയർ/വൻപയർ 500 ഗ്രാം, ശർക്കര 1 കിലോ,മുളക് പൊടി 100 ഗ്രാം,മല്ലിപ്പൊടി 100 ഗ്രാം,മഞ്ഞൾപ്പൊടി 100 ഗ്രാം,സാമ്പാർ പൊടി 100 ഗ്രാം,വെളിച്ചെണ്ണ 500 മി ലി/സൺ ഫ്ളവർ ഓയിൽ 1 ലിറ്റർ,പപ്പടം 1 പായ്ക്കറ്റ്,സേമിയ/പാലട 1 പായ്ക്കറ്റ്,ഗോതമ്പ് നുറുക്ക് 1 കിലോ എന്നിങ്ങനെ 11 ഇനം സാധനങ്ങളാണ് സൗജന്യ കിറ്റിലുള്ളത്.
