കോതമംഗലം : ജീവിതശൈലി രോഗങ്ങൾ,മൊബൈൽ ഫോണുകളുടെ അമിത ഉപയോഗം,മറ്റ്‌ വിവിധ രോഗങ്ങളാൽ ഒക്കെ നേത്ര സംബന്ധമായി ഒട്ടേറെ ബുദ്ധിമുട്ടുകൾ അനുഭവിക്കുന്നവർക്ക് ആശ്വാസമേകാൻ ഊന്നുകൽ സർവ്വീസ് സഹകരണ ബാങ്കിന്റെ ആഭിമുഖ്യത്തിൽ ആലുവ ഡോ. ടോണി ഫെർണാണ്ടസ് ഹോസ്പിറ്റലിന്റെ സഹകരണത്തോടെ നടത്തുന്ന സൗജന്യ നേത്ര പരിശോധന,സൗജന്യ തിമിര ശസ്ത്രക്രിയ ക്യാമ്പ് ബാങ്ക് ആഡിറ്റോറിയത്തിൽ നടത്തി.ക്യാമ്പിന്റെ ഉദ്ഘാടനം ആന്റണി ജോൺ എം എൽ എ നിർവ്വഹിച്ചു.പ്രസിഡന്റ് എം എസ് പൗലോസ് അദ്ധ്യക്ഷത വഹിച്ചു.ഡോ. ഷിറിൻ ഹസ്സൻ,ജോയി പോൾ,പീറ്റർ മാത്യു,അഡ്വ. എം കെ വിജയൻ,സജീവ് ഗോപാലൻ,തോമസ് പോൾ,ഗ്രേസി ജോൺ എന്നിവർ ചടങ്ങിൽ സംസാരിച്ചു.സൗജന്യ തിമിര ശസ്ത്രക്രിയ ക്യാമ്പിലൂടെ നൽകുന്ന വിവിധങ്ങളായ സേവനങ്ങളെയും തുടർ ചികിത്സയെയും സംബന്ധിച്ച് ഹോസ്പിറ്റൽ പി ആർ ഒ ലിജു ആന്റണി വിശദീകരണം നൽകി.ഭരണസമിതി അംഗം ജോയി പോൾ സ്വാഗതവും സെക്രട്ടറി കെ കെ ബിനോയി കൃതജ്ഞതയും പറഞ്ഞു.
