NEWS
കോതമംഗലം ചെറിയ പള്ളിക്ക് ഐക്യദാർഢ്യവുമായി “എന്റെ നാട്”

കോതമംഗലം : ചെറിയപളളിയ്ക്ക് പുന്തുണയുമായി എന്റെ നാട് ജനകീയ കൂട്ടായ്മയുടെ ആഭിമുഖ്യത്തിൽ കോതമംഗലത്ത് റാലിയും ഐക്യദാർഢ്യ സംഗമവും നടത്തി. കെ.എസ്. ആർ. ടി. സി. ജംഗ്ഷനിൽ നിന്നും ആരംഭിച്ച റാലിയിൽ ആയിരകണക്കിന് എന്റെ നാട് പ്രവർത്തകർ പങ്കെടുത്തു. പളളിത്താഴത്ത് നടന്ന ചെറിയപളളി സംരക്ഷണ ഐക്യദാർഢ്യ സംഗമം എന്റെ നാട് ചെയർമാൻ ഷിബു തെക്കുംപുറം ഉദ്ഘാടനം ചെയ്തു. കോതമംഗലത്തെ സമാധാനാന്തരീക്ഷം തകർത്തുകൊണ്ട് അനധികൃതമായി ചെറിയ പള്ളി പിടിച്ചെടുക്കാനുള്ള കുലിസിത തന്ത്രം എല്ലാവരും ഒരുമിച്ച് നിന്ന് ചെറുത്തു തോൽപ്പിക്കണം എന്ന് ചെയർമാൻ ഷിബു തെക്കുംപുറം ആവശ്യപ്പെട്ടു.
കോതമംഗലത്തിന്റെ നിത്യചൈതന്യമാണ് ചെറിയപള്ളി, നാനാജാതിമതസ്ഥർ ബാവയുടെ കബറിങ്കൽ പ്രാർത്ഥിച്ച് അനുഗ്രഹം നേടുന്ന നാടിന്റെ പുരോഗതിക്ക് ചെറിയപള്ളി നൽകിയിട്ടുള്ളത് വലിയ നേതൃത്വമാണ് എന്ന് ഷിബു തെക്കുംപുറം പറഞ്ഞു. ഐക്യദാർഢ്യ പ്രതിജ്ഞ എസ് എൻ ഡി പി താലൂക്ക് യൂണിയൻ സെക്രട്ടറി പി. എ. സോമൻ ചൊല്ലി കൊടുത്തു. കെ. പി കുരിയാക്കോസ് അദ്ധ്യക്ഷത വഹിച്ചു.
ഹൈപ്പവർ അംഗങ്ങളായ ജോർജ് അമ്പാട്ട്, ജിജോ കുരൈ്യപ്, സി കെ സത്യൻ,വൈസ് ചെയർപേഴ്സൺ ബിജി ഷിബു, ബോർഡ് മെമ്പർമാരായ ബാദുഷ പി. എ, സി. ജെ. എൽദോസ്, എം. യു. ബേബി, ബേബി സേവ്യർ, കെന്നഡി പീറ്റർ, വാർഡ് പ്രസിഡന്റുമാരായ ആഗസ്റ്റിൻ ജോസഫ്, ജോസ് കവളമായ്ക്കൽ, മാർട്ടിൻ സേവ്യർ, പി. പ്രകാശ്, റെജി എം. വി, ശലോമി എൽദോസ്, ഉഷ ബാലൻ, രഹ്ന നൂറൂദ്ദീൻ, ഷീബ നൗഷാദ് എന്നിവർ പ്രസംഗിച്ചു.
NEWS
ഭൂതത്താന്കെട്ട് ബാരിയേജിന് സമീപത്തെ കൃഷിയിടത്തില് കടുവയിറങ്ങി

കോതമംഗലം : ഭൂതത്താന്കെട്ട് കൂട്ടിക്കൽ ചേലക്കുളം പൈലിയുടെ കൃഷിയിടത്തില് കടുവയിറങ്ങിയത് ജനങ്ങളെ ആശങ്കയിലാഴ്ത്തി. കഴിഞ്ഞദിവസം ഇവിടെയെത്തിയ കടുവ വളര്ത്തുമൃഗങ്ങളെ ഓടിച്ചിരുന്നു. വളര്ത്തുനായയെ പിന്നീട് കണ്ടെത്തിയിട്ടില്ല. കാല്പ്പാടുകള് കടുവയുടേതാണെന്ന് പരിശോധനക്കെത്തിയ വനംവകുപ്പ് ഉദ്യോഗസ്ഥര് സ്ഥിരീകരിച്ചിട്ടുണ്ട്. ക്യാമറ സ്ഥാപിച്ച് നിരീക്ഷണം നട്ത്തുകയും മറ്റ് നടപടികള് സ്വീകരിക്കുകയും ചെയ്യുമെന്ന് അധികൃതര് വ്യക്തമാക്കി. ആശങ്ക പരിഹരിക്കാന് നടപടി വേണമെന്നാണ് നാട്ടുകാരുടെ ആവശ്യം.
NEWS
ഇര വിഴുങ്ങിക്കിടന്ന പെരുമ്പാമ്പിനെ പിടികൂടി.

കോതമംഗലം :- ചേലാട് സ്വദേശി കുര്യൻ എന്നയാളുടെ പറമ്പിൽ ഇര വിഴുങ്ങിക്കിടന്ന പെരുമ്പാമ്പിനെ ഇന്ന് പിടികൂടി. പറമ്പിൽ ജോലി ചെയ്തു കൊണ്ടിരുന്ന പണിക്കാരാണ് കൈത്തോട്ടിൽ കിടന്ന പാമ്പിനെ ആദ്യം കണ്ടത്. കോതമംഗലം ഫോറസ്റ്റ് റേഞ്ച് ഓഫീസിൽ വിവരം അറിയിച്ചതിനെ തുടർന്ന് ആവോലിച്ചാലിൽ നിന്നും പാമ്പുപിടുത്ത വിദഗ്ദ്ധൻ CK വർഗ്ഗീസ് എത്തി പാമ്പിനെ രക്ഷപെടുത്തി ഉൾ വനത്തിൽ തുറന്നു വിട്ടു.
NEWS
നെല്ലിക്കുഴി ഗ്രാമ പഞ്ചായത്തിലെ ബിജെപി മെമ്പർ രാജി വച്ചു.

കോതമംഗലം : നെല്ലിക്കുഴി ഗ്രാമപഞ്ചായത്ത് ആറാം വാർഡ് അംഗം സനൽ പുത്തൻപുരയ്ക്കൽ രാജി വച്ചു. ഇന്ന് ഉച്ചക്ക് 3 മണിക്ക് പഞ്ചായത്ത് സെക്രട്ടറി മുൻപാകെ രാജി സമർപ്പിച്ചു. 2020 ഡിസംബർ മാസത്തിൽ നടന്ന തദ്ദേശ്ശ തെരഞ്ഞെടുപ്പിൽ പട്ടികജാതി സംവരണ വാർഡായി തെരഞ്ഞെടുത്ത തൃക്കാരിയൂർ തുളുശ്ശേരിക്കവല ആറാം വാർഡിൽ ബിജെപി സ്ഥാനാർത്ഥിയായി താമര ചിഹ്നത്തിൽ മത്സരിച്ച സനൽ 194 വോട്ടിന്റെ ഭൂരിപക്ഷത്തിൽ സിപിഎം സ്ഥാനാർത്ഥി വി കെ ചന്ദ്രനെ പരാജയപ്പെടുത്തിയിരുന്നു.
സനലിന് വിദേശത്ത് ജോലി ശരിയായിട്ടുണ്ടെന്നും മൂന്നര മാസത്തിനകം വിദേശത്തേക്ക് പോകേണ്ടി വരുമെന്നതിനാലാണ് രാജി സമർപ്പിച്ചതെന്ന് സനൽ അറിയിച്ചു. തനിക്ക് എല്ലാവിധ പിന്തുണയും നൽകി കൂടെ നിന്ന പാർട്ടിയോടും പാർട്ടി പ്രവർത്തകരോടും, വാർഡ് നിവാസികളോടും എല്ലാവിധ നന്ദിയും കടപ്പാടും അറിയിക്കുന്നതായും സനൽ പറഞ്ഞു.
🌀കോതമംഗലം വാർത്ത ẇһѧṭṡѧƿƿıʟ ലഭിക്കുവാൻ താഴെ കാണുന്ന ലിങ്കിൽ ക്ലിക്ക് ചെയ്യുക👇
-
CRIME1 week ago
പരീക്കണ്ണിപ്പുഴയിൽ സ്ത്രീയുടെ മൃതദേഹം കണ്ടെത്തി.
-
CRIME4 days ago
കോതമംഗലത്ത് വൻ ഹെറോയിൻ വേട്ട
-
CRIME1 week ago
വനത്തിൽ നിന്നും ഉടുമ്പിനെ പിടികൂടി കറിവെച്ച് കഴിച്ച കേസിൽ നാലുപേരെ വനപാലകർ അറസ്റ്റ് ചെയ്തു
-
ACCIDENT1 week ago
പത്രിപ്പൂ പറക്കാൻ പോയ യുവാവ് മരത്തിൽ നിന്ന് വീണ് മരിച്ചു.
-
CRIME4 days ago
നിരന്തര കുറ്റവാളിയായ കോതമംഗലം സ്വദേശിയെ കാപ്പ ചുമത്തി നാടുകടത്തി.
-
AGRICULTURE6 days ago
ഒരു തട്ടേക്കാടൻ തണ്ണിമത്തൻ വിജയഗാഥ; വിളവെടുത്തത് 12 ടണ്ണിൽ പരം കിരൺ തണ്ണിമത്തൻ,പാകമായി കിടക്കുന്നത് 15 ടണ്ണിൽ പരം
-
Business1 week ago
സൗഖ്യ ഹോംസിലൂടെ നേടാം നവോന്മേഷം; യൂറോപ്യൻ മാതൃകയിൽ റിട്ടയർമെന്റ് ജീവിതം ആഗ്രഹിക്കുന്നവർക്കായി കോതമംഗലത്ത് ഒരു സ്വർഗ്ഗീയഭവനം
-
AGRICULTURE4 days ago
പിണ്ടിമനയിലും തണ്ണീർമത്തൻ വസന്തം
You must be logged in to post a comment Login