Connect with us

Hi, what are you looking for?

NEWS

കോതമംഗലം മണ്ഡലത്തിൽ കോറൻ്റയിനിൽ തുടരുന്നത് 97 പേർ മാത്രം; മെയ് 15ന് അകം മുഴുവൻ പേരുടേയും കോറൻ്റയ്ൻ കാലാവധി അവസാനിക്കും:- ആൻ്റണി ജോൺ എംഎൽഎ.

കോതമംഗലം : കോതമംഗലം മണ്ഡലത്തിൽ വിദേശ രാജ്യങ്ങൾ,ഇതര സംസ്ഥാനങ്ങൾ,വിവിധ ജില്ലകൾ,രോഗബാധിത മേഖലകൾ എന്നിവിടങ്ങളിൽ നിന്നെത്തി ആരോഗ്യ പ്രവർത്തകരുടെ നിർദ്ദേശാനുസരണം സാമൂഹിക സമ്പർക്കം ഒഴിവാക്കി വീടുകളിലും ആശുപത്രികളിലുമായി മണ്ഡലത്തിലെ വിവിധ പഞ്ചായത്ത് / മുൻസിപ്പാലിറ്റികളിലായി നിരീക്ഷണത്തിലുള്ളത് ഇന്നത്തെ (22/04/2020) കണക്ക് പ്രകാരം 97 പേർ മാത്രം.

കീരംപാറ – കുട്ടമ്പുഴ പഞ്ചായത്തുകളിൽ നിരീക്ഷണത്തിലുണ്ടായിരുന്ന മുഴുവൻ പേരുടേയും നിരീക്ഷണം പൂർത്തിയായി.നിലവിൽ നിരീക്ഷണത്തിലുള്ള മുഴുവൻ പേരും മെയ് 15 നകം നിരീക്ഷണ കാലാവധി പൂർത്തീകരിക്കുമെന്നും ആന്റണി ജോൺ എംഎൽഎ അറിയിച്ചു.മണ്ഡലത്തിൽ ആകെ 1771 പേർ നിരീക്ഷണത്തിലുണ്ടായിരുന്നതിൽ 1674 പേരും നിരീക്ഷണം പൂർത്തീകരിച്ചു. കീരംപാറ പഞ്ചായത്തിൽ 151 പേർ നിരീക്ഷണത്തിലുണ്ടായിരുന്നു, മുഴുവൻ പേരും നീരീക്ഷണം പൂർത്തിയാക്കി.കുട്ടമ്പുഴ പഞ്ചായത്തിൽ 115 പേർ നിരീക്ഷണത്തിലായിരന്നു, ഇവിടെയും മുഴുവൻ പേരും നിരീക്ഷണ കാലാവധി പൂർത്തിയാക്കി.

പല്ലാരിമംഗലം പഞ്ചായത്തിൽ ആകെ 145 പേരായിരുന്നു നിരീക്ഷണത്തിൽ ഉണ്ടായിരുന്നത്,ഇതിൽ 142 പേർ നിരീക്ഷണം പൂർത്തീകരിച്ചു,3 പേർ മാത്രമാണ് ഇവിടെ നിരീക്ഷണത്തിലുള്ളത്.ഇവിടെ വിദേശത്ത് നിന്നെത്തിയ കോവിഡ് 19 സ്ഥിതീകരിച്ച് കളമശ്ശേരി മെഡിക്കൽ കോളേജിലായിരുന്ന വ്യക്തിയുടെ പരിശോധന ഫലം നെഗറ്റീവ് ആയതോടെ വീട്ടിലേക്ക് മടങ്ങി ഇദ്ദേഹം ഇപ്പോൾ വീട്ടിൽ നിരീക്ഷണത്തിൽ തുടരുകയാണ്.മെയ്‌ 10 നകം മുഴുവൻ പേരും ഇവിടെ നിരീക്ഷണം പൂർത്തീകരിക്കും.

വാരപ്പെട്ടി പഞ്ചായത്തിൽ ആകെ 195 പേരായിരുന്നു നിരീക്ഷണത്തിലുണ്ടായിരുന്നത്.189 പേർ നിരീക്ഷണം പൂർത്തിയാക്കി,6 പേർ മാത്രമാണ് ഇവിടെ നിരീക്ഷണത്തിലുള്ളത്. മെയ് 15 നകം ഇവിടെ മുഴുവൻ പേരുടേയും നിരീക്ഷണം പൂർത്തിയാകും. നെല്ലിക്കുഴി പഞ്ചായത്തിൽ 362 പേരായിരുന്നു നിരീക്ഷണത്തിലുണ്ടായിരന്നത്.323 പേർ നിരീക്ഷണം പൂർത്തിയാക്കി,ഇനി 39 പേരാണ് നിരീക്ഷണത്തിലുള്ളത്, ഇവിടെ മെയ് 15 നകം എല്ലാവരും നിരീക്ഷണം പൂർത്തീകരിക്കും.

കോട്ടപ്പടി പഞ്ചായത്തിൽ 180 പേരാണു നിരീക്ഷണത്തിലുണ്ടായിരുന്നത്, ഇതിൽ 172 പേർ നിരീക്ഷണം പൂർത്തീകരിച്ചു,നിലവിൽ ഇവിടെ 8 പേരാണു നിരീക്ഷണത്തിലുള്ളത്.മെയ് 15 നകം ഇവിടെയും നിരീക്ഷണം പൂർത്തിയാകും. പിണ്ടിമന പഞ്ചായത്തിൽ 187 പേരായിരുന്നു നിരീക്ഷണത്തിലുണ്ടായിരുന്നത്, ഇതിൽ 165 പേർ നിരീക്ഷണം പൂർത്തിയാക്കി നിലവിൽ 22 പേരാണുള്ളത് മെയ് 15നകം മുഴുവൻ പേരും പൂർത്തീകരിക്കും. കവളങ്ങാട് പഞ്ചായത്തിൽ 174 പേർ നിരീക്ഷണത്തിലുണ്ടായിരുന്നു,ഇതിൽ 164 പേർ നിരീക്ഷണം പൂർത്തിയാക്കി, ഇപ്പോൾ 10 പേരാണ് നിരീക്ഷണത്തിലുള്ളത്.മെയ് 12 ന് എല്ലാവരുടേയും നിരീക്ഷണ കാലാവധി പൂർത്തിയാകും.

കോതമംഗലം മുൻസിപ്പാലിറ്റിയിൽ 262 പേരായിരുന്നു നിരീക്ഷണത്തിലുണ്ടായിരുന്നത് ഇതിൽ 255 നിരീക്ഷണം പൂർത്തിയാക്കി,7 പേരാണ് നിലവിൽ നിരീക്ഷണത്തിലുള്ളത്,മെയ് 10 നകം എല്ലാവരും കാലാവധി പൂർത്തിയാക്കും.ഇത്തരത്തിൽ 97 പേർ മാത്രമാണ് ഇനി മണ്ഡലത്തിൽ നിരീക്ഷണത്തിൽ തുടരുന്നതെന്നും, മെയ് 15 ന് അകം നിലവിൽ നിരീക്ഷണത്തിലുള്ളവരുടെ നിരീക്ഷണ കാലാവധി അവസാനിക്കുമെന്നും എംഎൽഎ അറിയിച്ചു.

You May Also Like

NEWS

കോതമംഗലം :ദേശീയപാത നവീകരണവുമായി ബന്ധപ്പെട്ട്‌ കോതമംഗലം നഗരസഭ പരിധിയിലും, കവളങ്ങാട്‌ ഗ്രാമപഞ്ചായത്തിലും ഉണ്ടായിട്ടുള്ള കുടിവെള്ള വിതരണത്തിലെ തടസ്സങ്ങള്‍ അടിയന്തിരമായി പരിഹരിക്കുന്നതിന്‌ ദേശീയപാത അതോറിറ്റി തയ്യാറാകണമെന്ന്‌ കോതമംഗലം താലൂക്ക്‌ വികസന സമിതി യോഗം ആവശ്യപ്പെട്ടു....

NEWS

കോതമംഗലം : ആന്റണി ജോൺ എം എൽ എ യുടെ പ്രത്യേക വികസന ഫണ്ടിൽ നിന്നും കോതമംഗലം നിയോജക മണ്ഡലത്തിലെ 23 ലൈബ്രറികൾക്ക് പുസ്തകങ്ങൾ വിതരണം ചെയ്തു. കേരളീയത്തിൻ്റെ ഭാഗമായി കേരള നിയമസഭ...

NEWS

കോതമംഗലം : കോട്ടപ്പടിയിൽ 12.14 കോടി രൂപ ചിലവഴിച്ച് 2 ഘട്ടങ്ങളിലായി നടപ്പിലാക്കിയ ഗ്രാമീണ ഭവന കുടിവെള്ള പദ്ധതിയുടെ ഉദ്ഘാടനം പഞ്ചായത്ത് ഓഫീസിന് സമീപം വച്ച് ജലവിഭവ വകുപ്പ് മന്ത്രി റോഷി അഗസ്റ്റിൻ...

NEWS

കോതമംഗലം :കോതമംഗലം മണ്ഡലത്തിൽ പുതിയ മുൻഗണന കാർഡുകൾ വിതരണം ചെയ്തു. 240 മുൻഗണന കാർഡുകളുടെ വിതരണ ഉദ്ഘാടനം ആന്റണി ജോൺ എം എൽ എ നിർവഹിച്ചു .താലൂക്ക് കോൺഫറൻസ് ഹാളിൽ ചേർന്ന ചടങ്ങിൽ...