കോതമംഗലം: ഉപഭോക്തൃ കോടതി കേസുകളിലെ വൈകിപ്പിക്കൽ തന്ത്രങ്ങൾ നിയന്ത്രിക്കാൻ ഭേദഗതികൾ വേണം. ഉപഭോക്തൃ ജാഗ്രതാ സമിതി.ക്രോസ് എക്സാമിനേ ഷൻ, എവിഡൻസ്, ആർഗ്യുമെന്റ്സ് തുടങ്ങിയ ഘട്ടങ്ങളിൽ എതിർ ഭാഗം ആവർത്തിച്ച് ഓരോരോ കാരണങ്ങൾ പറഞ്ഞ് കേസുകൾ മാറ്റിവയ്ക്കാൻ കോടതിയോട് ആവശ്യപ്പെടുമ്പോൾ അത് ഉപഭോക്താക്കൾക്ക് സാമ്പത്തികവും മാനസികവുമായ പ്രയാസങ്ങൾക്ക് ഇടയാക്കുന്നു.
വൃദ്ധരും, രോഗികളും, നിർദ്ദനരും, വിദൂര സ്ഥലങ്ങളിൽ നന്ന് വരുന്നവരും ഇത്തരം വൈകിപ്പിക്കൽ തന്ത്രങ്ങളുടെ ഇരകളാണ്. ഈ സാഹചര്യത്തിൽ കേസുകൾ അനന്തമായി നീണ്ടുപോകാതിരിക്കാൻ വൈകിപ്പിക്കൽ തന്ത്രങ്ങൾ നിയന്ത്രിക്കാൻ കർശനമായ ചട്ടങ്ങൾ ഉപഭോക്തൃ സംരക്ഷണ നിയമത്തിൽ സൃഷ്ടിക്കണമെന്ന് എറണാകുളം ജില്ല ഉപഭോക്തൃ സംരക്ഷണ സമിതി അംഗം ഗോപാലൻ വെണ്ടുവഴി ആവശ്യപ്പെട്ടു.
