കോതമംഗലം: കോതമംഗലം ടൗൺ പരിധിയിലെ 9 ലിങ്ക് റോഡുകൾ 2 കോടി 50 ലക്ഷം രൂപ മുടക്കി ആധുനിക നിലവാരത്തിൽ (ബി എം & ബി സി) നവീകരിക്കുമെന്ന് ആൻ്റണി ജോൺ എംഎൽഎ അറിയിച്ചു. കോതമംഗലം ടൗൺ പരിധിയിലെ പ്രധാന ലിങ്ക് റോഡുകളായ തങ്കളം – എം എ കോളേജ് റോഡ്,ചെറിയ പള്ളിത്താഴം – കത്തീഡ്രൽ പള്ളി റോഡ്,കെ സി വി ജംഗ്ഷൻ – പോലീസ് സ്റ്റേഷൻ റോഡ്,മാർ ബേസിൽ സ്കൂൾ ജംഗ്ഷൻ – ടി ബി കുന്ന് – പോലീസ് ക്വോർട്ടേഴ്സ് റോഡ്,ഗവൺമെന്റ് ഹോസ്പിറ്റൽ – ബൈപാസ് റോഡ്,എ കെ ജി ഭവൻ – ബൈപാസ് റോഡ്,പി ഡബ്ല്യൂ ഡി റെസ്റ്റ് ഹൗസ് റോഡ്,മുൻസിപ്പൽ ബസ് സ്റ്റാൻ്റ് – മാർക്കറ്റ് റോഡ്,സെൻ്റ് ജോർജ് സ്കൂൾ ജംഗ്ഷൻ – കോഴിപ്പിള്ളി പാർക്ക് റോഡ് എന്നീ ഒൻപത് റോഡുകളാണ് ആധുനിക രീതിയിൽ നവീകരിക്കുന്നത്.
കോവിഡ് 19 ൻ്റെ പശ്ചാത്തലത്തിൽ ഉദ്ഘാടന ചടങ്ങുകൾ ഒഴിവാക്കി നിർമ്മാണ പ്രവർത്തികൾ ആരംഭിച്ചതായും എംഎൽഎ അറിയിച്ചു. ദേശീയ പാതയും,ആലുവ – മൂന്നാർ റോഡും, ബൈപ്പാസ് റോഡുമായി ബന്ധിപ്പിക്കുന്ന പ്രധാന റോഡുകളാണിവയെന്നും, നിർമ്മാണ പ്രവർത്തികൾ വേഗത്തിൽ പൂർത്തീകരിക്കുമെന്നും എംഎൽഎ കൂട്ടിച്ചേർത്തു.
