കോട്ടപ്പടി: കോതമംഗലം വിദ്യാഭ്യാസ ഉപജില്ല ശാസ്ത്ര, സാമൂഹ്യശാസ്ത്ര, ഗണിതശാസ്ത്ര,ഐ.ടി, പ്രവർത്തി പരിചയമേളകൾക്ക് കോട്ടപ്പടി മാർ ഏലിയാസ് ഹയർ സെക്കൻ്ററി സ്കൂളിൽ തുടക്കമായി. മൂന്ന് ദിവസം നീണ്ട് നിൽക്കുന്ന മേളകളിൽ ഉപജില്ലയിലെ 97 സ്കൂളുകളിൽ നിന്നും 3500 ഓളം വിദ്യാർത്ഥികൾ പങ്കെടുക്കും.
ഷിബു തെക്കുംപുറം എംഎൽഎ മേള ഉദ്ഘാടനം നിർവഹിച്ചു. കോട്ടപ്പടി പഞ്ചായത്ത് പ്രസിഡന്റ് ഉമേഷ് ശിവകുമാർ അധ്യക്ഷ വഹിച്ചു.സ്കൂൾ ബോർഡ് പ്രസിഡന്റ് ഫാ. ജോസ് പരത്തുവയലിൽ അനുഗ്രഹപ്രഭാഷണം നടത്തി.കോതമംഗലം ബ്ലോക്ക് പഞ്ചായത്ത് പ്രസിഡന്റ് ജെസ്സി സാജു, സ്കൂൾ പ്രിൻസിപ്പൽ പി. വിജു കോതമംഗലം എ.ഇ.ഒ കെ.കെ മനോജ് കുമാർ, വൈസ് പ്രസിഡന്റ് ബിജോയ് പി.ജോസഫ്,ബ്ലോക്ക് പഞ്ചായത്ത് മെമ്പർ സി.എം ബേബി,കോട്ടപ്പടി പഞ്ചായത്ത് വൈസ് പ്രസിഡന്റ് റംല മുഹമ്മദ്, പഞ്ചായത്ത് ചെയർപേഴ്സൺമാരായ പ്രിയ സാബു,എം.കെ എൽദോസ് , വാർഡ് മെമ്പർ മറിയാമ്മ പോൾ സ്കൂൾ മാനേജർ ബിജി.പി. ഐസക്, ഹെഡ്മിസ്ട്രസ് താര.എ.പോൾ, പള്ളി ട്രസ്റ്റി എം. പി കുര്യാക്കോസ്,പിടിഎ പ്രസിഡന്റ് ജോബി പോൾ, അധ്യാപക പ്രതിനിധി എബി മാത്യു എന്നിവർ പ്രസംഗിച്ചു. മേള വെള്ളിയാഴ്ച (9-10-2026) സമാപിക്കും.
