കോതമംഗലം: കോതമംഗലത്ത് സാംസ്‌കാരിക കേന്ദ്രവും, ഫിലിം സിറ്റിയും തുടങ്ങുന്നതിനുള്ള പ്രവര്‍ത്തനങ്ങളുമായി മുന്നോട്ടുപോകുമെന്ന് ഷിബു തെക്കുംപുറം എംഎല്‍എ. കോതമംഗലം സുമംഗല ഫിലിം സൊസൈറ്റിയുടെ സുവര്‍ണ്ണ ജൂബിലി ആഘോഷം ഉദ്ഘാടനം നിര്‍വഹിച്ച് പ്രസംഗിക്കുകയായിരുന്നു എംഎല്‍എ. ജൂബിലിയോട് അനുബന്ധിച്ച് നടത്തിയ ചലചിത്ര മേളയുടെ ഉദ്ഘാടനം സംവിധായകന്‍ ഡോ. ബിജു, നിരൂപകനും എഴുത്തുകാരനും മായ വി.കെ ജോസഫ് എന്നിവര്‍ ചേര്‍ന്ന് നിര്‍വഹിച്ചു.
സുമംഗല പ്രസിഡന്റ് ആന്റണി പുളിക്കല്‍ അധ്യക്ഷത വഹിച്ചു. സെക്രട്ടറി കെ.ഒ കുര്യാക്കോസ്, നഗരസഭ ചെയര്‍പേഴ്‌സണ്‍ ഭാനുമതി രാജു, നഗരസഭ കൗണ്‍സിലര്‍ സി.പി.എസ് ബാലന്‍, രാധാകൃഷ്ണന്‍ ചെറുവല്ലി, കല പ്രസിഡന്റ് എം.എസ് എല്‍ദോസ്, ബോധി സെക്രട്ടറി പി.ജി രവീന്ദ്രന്‍ നായര്‍, സുവര്‍ണ്ണരേഖ പ്രസിഡന്റ് ബാബു ഇരുമല, മുന്‍സിപ്പല്‍ മുന്‍ ചെയര്‍മാന്‍ എ.ജി ജോര്‍ജ്, ടി.ഇ കുര്യന്‍ എന്നിവര്‍ പ്രസംഗിച്ചു.
രണ്ട് ദിവസങ്ങളിലായി നടത്തിയ ചലച്ചിത്ര മേള സമാപിച്ചു. നെല്‍സണ്‍ മണ്ടേല, ഉല്‍ഫ് തോട്ടം, വാര്‍ ഹോഴ്‌സ്, 1987 വെന്‍തി ഡേ കമന്റ സ്, ബാഗ്ദാദ് മെസ്സി, ലുനാന, ഹൈ ഡി, ഹല്ലേരിയോ, നബാദ് എന്നീ വിവിധ ഭാഷകളിലുള്ള ഇന്റര്‍ നാഷണല്‍ അവാര്‍ഡുകള്‍ ലഭിച്ചിട്ടുള്ള സിനിമകളാണ് മേളയില്‍ പ്രദര്‍ശിപ്പിച്ചത്.
