കോതമംഗലം: തെളിവെടുപ്പ് പൂർത്തിയാക്കി കോതമംഗലം കോടതിയിൽ ഹാജരാക്കിയ അർജുൻ ആയങ്കിയെ തലശ്ശേരിക്ക് തിരികെ കൊണ്ടുപോയി. കോതമംഗലം, ഊന്നുകൽ എസ്.എച്ച്.ഒ മാരെ ഭീഷണിപ്പെടുത്തിയ കേസിൽ വെളളിയാഴ്ച കോതമംഗലം കോടതിയിൽ ഹാജരാക്കി റിമാൻഡ് ചെയ്ത ആയങ്കിയെ തിങ്കളാഴ്ച അന്വേഷണ ഉദ്യോഗസ്ഥർ കസ്റ്റഡിയിൽ വാങ്ങുകയായിരുന്നു.
തിങ്കളാഴ്ച കടവത്ര ഫ്ലാറ്റിലെത്തിച്ചും ചൊവ്വാഴ്ച പുന്നേക്കാട് റിസോർട്ടിലെത്തിച്ചും തെളിവെടുപ്പ് പൂർത്തിയാക്കി വൈകിട്ട് കോതമംഗലം കോടതിയിൽ ഹാജരാക്കി. തുടർന്ന് കോടതി നിർദ്ദേശപ്രകാരം കസ്റ്റഡിയിൽ നൽകിയ തലശേരി കോടതിയിൽ ഹാജരാക്കാനായി തിരികെ കൊണ്ടുപോയി.ആയങ്കിയുടെ ഫോണുകൾ സൈബർ സെല്ലിൽ പരിശോധനയ്ക്ക് നൽകിയിരിയ്ക്കുകയാണെന്ന് കോതമംഗലം സി.ഐ പറഞ്ഞു.
