കോതമംഗലം: വിവിധ കേസുകളില് പ്രതിയായ അര്ജുന് ആയങ്കിയെ കോതമംഗലം കോടതി രണ്ട് ദിവസത്തേക്ക് പോലീസ് കസ്റ്റഡിയില് വിട്ടു. പോലീസിനെ ഭീഷണിപ്പെടുത്തിയ കേസില് റിമാന്റിലായ പ്രതി അര്ജുന് ആയങ്കിയെ തിങ്കളാഴ്ച കോതമംഗലം പോലീസ് കസ്റ്റഡിയില് വാങ്ങാന് അപേക്ഷ നല്കുകയായിരുന്നു. അഞ്ച് ദിവസത്തേക്ക് അര്ജുന് ആയങ്കിയെ കസ്റ്റഡിയില് നല്കണമെന്നാണ് പോലീസ് ആവശ്യപ്പെട്ടതെങ്കിലും രണ്ട് ദിവസത്തേക്കാണ് കോടതി കസ്റ്റഡി കാലാവധി അനുവധിച്ചത്.
കോതമംഗലം, ഊന്നുകല് പോലീസ് ഉദ്യോഗസ്ഥര്ക്കെതിരെ ഭീഷണി മുഴക്കിയ അര്ജുന് ആയങ്കിയെ കണ്ണൂരില് നിന്ന് വെള്ളിയാഴ്ചയാണ് കോതമംഗലം മജിസ്ട്രേറ്റിനു മുന്നില് ഹാജരാക്കി റിമാന്റ് ചെയ്തത്. ചോദ്യം ചെയ്യലുകള്ക്കും തെളിവെടുപ്പുകള്ക്കും ശേഷം പ്രതിയെ വീണ്ടും കോടതിയില് ഹാജരാക്കും.
