കോതമംഗലം: കേരളത്തിലെ പ്രമുഖ ഫര്ണിച്ചര് വ്യവസായ-വ്യാപാര കേന്ദ്രങ്ങളിലൊന്നായ നെല്ലിക്കുഴിയെ ഫര്ണിച്ചര് ഹബ്ബായി ഉയര്ത്തുമെന്ന സര്ക്കാര് പ്രഖ്യാപനം നടപ്പായില്ല. സംസ്ഥാന ബഡ്ജറ്റില് പ്രഖ്യാപിച്ച ഫര്ണിച്ചര് ഹബ്ബ് നെല്ലിക്കുഴിയില് സ്ഥാപിക്കുമെന്ന് അവകാശവാദമുണ്ടായിരുന്നെങ്കിലും ചില യോഗങ്ങള് വിളിച്ചുചേര്ത്തതൊഴിച്ചാല് മറ്റ് നടപടികളൊന്നുമുണ്ടായില്ല. ഫര്ണിച്ചര് ഹബ്ബ് യാഥാര്ത്ഥ്യമായാല് മേഖലയുടെ സമഗ്ര വളര്ച്ചയ്ക്കും വ്യാപാരികള്ക്കും വ്യവസായികള്ക്കും സര്ക്കാര് സഹായങ്ങളും ആനുകൂല്യങ്ങളും ലഭ്യമാക്കാനും ഉപകരിക്കുമായിരുന്നു.
വായ്പാസൗകര്യം, ലൈസന്സ് വ്യവസ്ഥകളില് ഇളവ്, വ്യാപാരി-തൊഴിലാളി സൗഹൃദ അന്തരീക്ഷം എന്നിവ ഉറപ്പാക്കിയാല് കൂടുതല് സംരംഭങ്ങള്ക്കും തൊഴിലവസരങ്ങള്ക്കും സാദ്ധ്യത തെളിയും. നെല്ലിക്കുഴി ഫര്ണിച്ചറുകള്ക്ക് കൂടുതല് പ്രചാരം ലഭിക്കാനും വിപണി വിപുലീകരിക്കാനും പദ്ധതി സഹായകരമാകുമെന്നിരിക്കെ, ഹബ്ബ് യാഥാര്ത്ഥ്യമാക്കാന് അടിയന്തര നടപടി വേണമെന്നാണ് ആവശ്യം.
