കോതമംഗലം: കൊച്ചി – ധനുഷ്കോടി ദേശീയപാതയില് നേര്യമംഗലത്ത് ഒറ്റയാന്. നാട്ടുകാരും യാത്രക്കാരും ഭീതിയില്. കൊച്ചി – ധനുഷ്കോടി ദേശീയ പാതയില് നേര്യമംഗലത്ത് കാട്ടാനകള് ഇറങ്ങുന്നത് പതിവായതാണ് മൂന്നാറിലേക്കുള്ളള വിനോദ സഞ്ചാരികള് ഉള്പ്പെടെയുള്ള യാത്രക്കാരെയും നാട്ടുകാരെയും ഭീതിയിലാക്കിയിരിക്കുന്നത്. കാട്ടാനകള് നേര്യമംഗലത്ത് പട്ടാപ്പകല് ദേശീയ പാതയിലെത്തിലെത്തി ഗതാഗതം തടസപ്പെടുന്നത് പതിവായിരിക്കുകയാണ്.
ഇന്നലെ നേര്യമംഗലം പാലത്തിന് സമീപമുളള ഫോറസ്റ്റ് റേഞ്ച് ഓഫീസിന് മുന്നിലാണ് ഒറ്റയാന് മണിക്കൂറുകളോളം തമ്പടിച്ചു നാട്ടുകാരെയും യാത്രക്കാരെയും ഭീതിയിലാക്കിയത്. കൊച്ചി ധനുഷ്ക്കോടി ദേശീയ പാതയില് വാഹന ഗതാഗതം ഭാഗീകമായി തടസ്സപ്പെടുകയും ചെയ്തിരുന്നു.
ഏത് നിമിഷവും നേര്യമംഗലം ടൗണില് കാട്ടാനകള് പകല് ഇറങ്ങുവാനുള്ള സാധ്യതകള് കൂടി വരികയാണ്. ദേശീയ പാതയിലൂടെ മൂന്നാറിലേക്ക് പോകുന്ന സഞ്ചാരികളും നാട്ടുകാര്ക്കും കാട്ടാന ഭീഷണിയാകുന്ന സാഹചര്യത്തില് ഇവ ഇറങ്ങി വരുന്ന ഭാഗങ്ങളില് സോളാര് ഫെന്സിഗ് ഉള്പെടെയുള്ള സംവിധാനങ്ങള് ഒരുക്കി പരിഹാരം കാണണമെന്ന ആവശ്യം ശക്തമായിട്ടുണ്ട്.
