നീതിപൂർവ്വമായ വിധി : കോതമംഗലത്ത് യാക്കോബായ സഭ ഐക്യദാർഢ്യ പ്രഖ്യാപന റാലി സംഘടിപ്പിച്ചു

• ഷാനു പൗലോസ്

കോതമംഗലം: യാക്കോബായ സഭയ്ക്ക്  അനുകൂലമായി ഇന്നലെ ഹൈക്കോടതി  വിധി പ്രകാരം 2017 ജൂലൈ 3ലെ  വിധിയെ തുടർന്ന് യാക്കോബായ സഭയ്ക്ക് നഷ്ടപ്പെട്ടു പോയ പള്ളികൾ തിരികെ കിട്ടണമെന്ന ആവശ്യമുന്നയിച്ചും,  അവിഹിത  വിധി മൂലം നഷ്ടപ്പെട്ട പള്ളികൾക്ക് ഐക്യദാർഢ്യം പ്രഖ്യാപിച്ചുകൊണ്ടും റാലി നടത്തി. കോതമംഗലം മാർതോമ ചെറിയ പള്ളിയുടെ നേതൃത്വത്തിൽ കോതമംഗലം മതമൈത്രിയുടെ സഹകരണത്തോടെയായിരുന്നു  ഐക്യദാർഢ്യ റാലി സംഘടിപ്പിച്ചത്. കോതമംഗലം
മുനിസിപ്പൽ ജംഗ്ഷനിൽ നിന്നും ചെറിയ പള്ളിയിലേക്കായിരുന്നു റാലി. വിവിധ മത -സാമൂദായിക സാംസ്കാരിക നേതാക്കളടക്കം പങ്കെടുത്ത റാലിക്ക് നൂറ് കണക്കിന് വിശ്വാസികളും, ഇതര മതസ്ഥരും ഉൾപ്പടെ വലിയ ജനപങ്കാളിത്തം  ഉണ്ടായിരുന്നു.

കോതമംഗലം ചെറിയ പള്ളിയും ഓർത്തഡോക്സ് വിഭാഗം  തോമസ് പോൾ റമ്പാനെ മുന്നിൽ നിർത്തി പിടിച്ചെടുക്കാൻ പല പ്രാവശ്യം ശ്രമങ്ങൾ നടത്തിയിരുന്നു. അതിനെതിരെയുള്ള പ്രതിഷേധവുമായി ആയിരക്കണക്കിന് ആളുകളാണ് പള്ളി സംരക്ഷണത്തിന് എത്തി ചേർന്നത്. ശക്തമായ പ്രതിരോധം ഉണ്ടായത് കൊണ്ട് മാത്രമാണ് കോട്ടയം ഓർത്തഡോക്സ് സഭക്ക് ചെറിയ പള്ളി പിടിച്ചെടുക്കാൻ കഴിയാതെ പോയത്.