കോതമംഗലം:വീല്ചെയറില് ജീവിതം മുന്നോട്ട് നയിക്കുന്ന ആറു പേര് ചേര്ന്ന് നടത്തുന്ന ഒരു കഫേയുടെ പ്രചോദനകരമായ കഥയാണ് കോതമംഗലത്തിന് പറയാനുള്ളത്. ശാരീരിക വെല്ലുവിളികളെ തോല്പ്പിച്ച് സ്വന്തം മനോബലത്തില് ജീവിതം മുന്നോട്ട് കൊണ്ടുപോകുന്ന ആറു പേരുടെ സംരംഭമാണ് കോതമംഗലം, തങ്കളം ബൈപ്പാസ് റോഡില് ഏദന് തോട്ടം അങ്കണത്തില് പ്രവര്ത്തിക്കുന്ന കഫേ വിങ്ങ്സ് എന്ന ഭക്ഷണശാല. ഡോ. കോരയുടെ നേതൃത്വത്തില് എല്ദോസ്, ബോസ്, ബേസില് ,അജേഷ്, സജീവന് എന്നിവരാണ് കഫേ വിങ്ങ്സിന്റെ സാരഥികള്.
ഇവര് എല്ലാവരും വീല് ചെയറില് ഉള്ളവരാണ്. ഇവര് ഈ കോഫീ ഹൗസില് ചെയ്യാന് കഴിയുന്ന ജോലികള് സ്വയം ഏറ്റെടുത്ത് നടത്തി വരികയാണ്. ഏതാനും ജീവനക്കാരും ഇവര്ക്കൊപ്പമുണ്ട്. സ്നാക്സ്, ബര്ഗര്, സാന്റ്വിച്ച്, ചായ, കാപ്പി, ഷേയ്ക്ക്, ജ്യൂസ് തുടങ്ങിയവ എല്ലാ ദിവസവും ഉണ്ടാകും. ദിവസവും സ്പെഷ്യല് വിഭവങ്ങളും ഉണ്ടാകും. ചപ്പാത്തി, ചിക്കന് കറി, പൊറോട്ട, മീന് കറി, പിടി, പാല്പുട്ട്, കപ്പ, ബിരിയാണി എന്നിവ ഇവിടത്തെ പ്രത്യേകതകളാണ്. വെള്ളിയഴ്ച ദിവസങ്ങളില് പ്രാദേശിക കലാകാരന്മാര്ക്ക് തങ്ങളുടെ കലാവിരുത് പ്രകടമാക്കാന് അവസരവും ഒരുക്കിയിട്ടുണ്ട്.
പാര്ക്കിന് സമാനമായ സ്ഥലത്ത് വിശാലമായ ഇരിപ്പിടങ്ങളാണ് ഉള്ളത്. വൈകുന്നേരങ്ങളില് കുടുംബവുമായി എത്താന് പറ്റിയ അന്തരീക്ഷമാണ് ഈ കഫേയുടെ മറ്റൊരു പ്രത്യേകത. ഭിന്നശേഷി ക്കാര്ക്ക് ഒരു നേരത്തെ ഭക്ഷണം കൊടുക്കാനും ഇവിടെ ഏര്പ്പാടു ചെയ്തിട്ടുണ്ട്. വീല്ച്ചെയറില് ആയവര്ക്ക് ഒരു പ്രചോദനമാകാന് വേണ്ടിയാണ് ഇതുപോലൊരു കഫേ തുടങ്ങിയതെന്ന് നടത്തിപ്പുകാരായ എല്ദോസും, അജേഷും പറഞ്ഞു. ശാരീരിക പരിമിതികള് ്വപ്നങ്ങള്ക്ക് തടസ്സമല്ലെന്ന് ഓര്മ്മിപ്പിക്കുന്നഈ ആറുപേരുടെ കഥ മൂഹത്തിന് മുഴുവന് രു പ്രചോദനമാവുകയാണ്.
