കോതമംഗലം: കോഴിപ്പിള്ളി പുതിയ പാലത്തിനും പഴയ പാലത്തിനും ഇടയില്‍ ആഴത്തിലേക്ക് കാര്‍ മറിഞ്ഞ് രണ്ടുപേര്‍ക്ക് ഗുരുതര പരിക്കേറ്റു. തൊടുപുഴ കളിയാര്‍ കിഴക്കേടത്തില്‍ സനീഷ് ദാസ്, കാളിയാര്‍ വട്ടംകണ്ടത്തില്‍ ഗിരീഷ് ഗോപി എന്നിവരെ പരിക്കുകളോടെ സ്വകാര്യ ആശുപത്രിയില്‍ പ്രവേശിപ്പിച്ചത്. ഇവര്‍ക്ക് ഒപ്പമുണ്ടായിരുന്ന മറ്റ് രണ്ടുപേര്‍ക്ക് നിസാന പരിക്കാണുള്ളത്. ഇന്നലെ രാത്രി ഏഴു മണിയോടെയായിരുന്നു സംഭവം. നിയന്ത്രണം വിട്ട കാര്‍ പുതിയ പാലത്തിന്റെ അപ്രോച്ച് റോഡിലെ ചെറിയ കോണ്‍ക്രീറ്റ് തൂണുകളില്‍ ഇടിച്ചിട്ട് താഴേക്ക് മറിയുകയായിരുന്നു.
