കോതമംഗലം: മണികണ്ഠന്‍ചാലില്‍ പാലം നിര്‍മിക്കണമെന്ന നാട്ടുകാരുടെയും യുഡിഎഫിന്റെയും വര്‍ഷങ്ങളായുള്ള ആവശ്യത്തെ എംഎല്‍എയും സര്‍ക്കാരും അവഗണിച്ചതിന്റെ ഫലമാണ് ചപ്പാത്തില്‍നിന്ന് പുഴയില്‍ ഒഴുക്കില്‍പ്പെട്ട് ബിജുവിനെ കാണാതായതെന്ന് യുഡിഎഫ് ജില്ല കണ്‍വീനര്‍ ഷിബു തെക്കുംപുറം. മഴ പെയ്താല്‍ ആളുകള്‍ നിരനിരയായിനിന്ന് വടം കെട്ടിയാണ് സ്‌കൂള്‍ വിദ്യാര്‍ഥികളെ മറുകര എത്തിക്കുന്നത്.
ഓരോ ബജറ്റിലും മണികണ്ഠന്‍ചാല്‍ പാലത്തിന് 100 രൂപ ടോക്കണ്‍ അഡ്വാന്‍സ് പ്രഖ്യാപിക്കുന്ന നാടകമെങ്കിലും എംഎല്‍എ അവസാനിപ്പിക്കണമെന്നും ഷിബു തെക്കുംപുറം ആവശ്യപ്പെട്ടു.
