കോതമംഗലം: പൂയംകുട്ടി മണികണ്ഠൻ ചാൽ ചപ്പാത്തിലൂടെ നടന്നു വരുന്നതിനിടയിൽ ഒഴുക്കിൽപെട്ട് കാണാതായ മണികണ്ഠൻച്ചാൽ സ്വദേശി ബിജുവിനായി തിരച്ചിൽ രണ്ടാം ദിവസവും തുടരുന്നു. ഫയർ ഫോഴ്സ് സ്കൂബ ടീം, എൻ ഡി ആർ എഫിന്റെ 30 അംഗ സംഘം എന്നിവരുടെ നേതൃത്വത്തിൽ ഇന്നലെ രാവിലെ 7 മണി മുതൽ ആരംഭിച്ച തിരച്ചിൽ വൈകിട്ട് 8 മണിയോടെ യാണ് പ്രതികൂല കാലാവസ്ഥയെ തുടർന്ന് അവസാനിപ്പിച്ചത്.
ഇന്ന് രാവിലെ 7.30 മുതൽ നേവിയുടെ ഒരു ടീമും, എൻ ഡി ആർ എഫിന്റെ 2 ടീമും ഫയർ ഫോഴ്സ്, സ്കൂബ 2 ടീമും അടങ്ങുന്ന 5 സംഘങ്ങളായിട്ടാണ് മണികണ്ഠൻ ചാൽ മുതൽ ഭൂതത്താൻ കെട്ട് വരെ വരുന്ന പ്രദേശങ്ങൾ വ്യാപകമായി തിരച്ചിൽ നടത്തിയത്.ആന്റണി ജോൺ എം എൽ എ യും ഗ്രാമ പഞ്ചായത്ത് പ്രസിഡന്റ്‌ കാന്തി വെള്ളക്കയ്യനും രണ്ടാം ദിവസവും രാവിലെ മുതൽ പ്രദേശത്ത് ക്യാമ്പ് ചെയ്ത് പ്രവർത്തനങ്ങൾ ഏകോപ്പിച്ചു.
