പെരുമ്പാവൂർ: എക്സൈസ് പരിശോധനയിൽ പെരുമ്പാവൂർ ഫിഷ് മാർക്കറ്റ് ഷോപ്പിംഗ് മാളിന് മുൻവശത്തു നിന്ന് 9.588 ഗ്രാം ഹെറോയിനുമായി പശ്ചിമ ബംഗാൾ സ്വദേശി പിടിയിൽ. മുർഷിദാബാദ് ഡോങ്കൽ സബ് ഡിവിഷനിൽ ഡോങ്കിൽ തരഫ് പട്ടിനി പാരാ പി.ടി. രസൽപൂർ പരിധിയിൽ സർക്കാർ പാരാ മെഹന്തി പാരാ വില്ലേജിൽ അബ്ദുൽ മൊജിദിന്റെ മകൻ മൊഹമ്മദ് റഫിക്കുൾ ഇസ്ലാമാണ് (33) അറസ്റ്റിലായത്. പ്രതി സഞ്ചരിച്ചിരുന്ന സ്‌കൂട്ടറും മൊബൈൽ ഫോണും പിടിച്ചെടുത്തു.
കുന്നത്തുനാട് എക്സൈസ് സർക്കിൾ ഇൻസ്‌പെക്ടർ എസ്. ബിനുവിന്റെ നേതൃത്വത്തിലായിരുന്നു പരിശോധന.പ്രിവന്റീവ് ഓഫീസർ ഗ്രേഡ് സുധീർ മുഹമ്മദ്, സിവിൽ എക്സൈസ് ഓഫീസർമാരായ നവാസ് സി.എം., രാജേഷ് എം.ആർ., ജിതിൻ ഗോപി, അരുൺലാൽ ഇ.എൻ., ബെന്നി പീറ്റർ എന്നിവരും പരിശോധനയിൽ പങ്കെടുത്തു.
