കോതമംഗലം: ദുരന്തത്തിൽ ഇരയാക്കപ്പെട്ടവരെ സഹായിക്കേണ്ടത് സഭയുടെ ദൗത്യമാണന്നും ഇത്തരം ഉപവി പ്രവർത്തനങ്ങളിൽ സഭയുടെ മുഖമാണ് കത്തോലിക്കാ കോൺഗ്രസ്സ് എന്നും കോതമംഗലം ബിഷപ്പ് മാർ ജോർജ് മഠത്തിക്കണ്ടത്തിൽ .
കത്തോലിക്ക കോൺഗ്രസിൻ്റെ നേതൃത്വത്തിൽ കോഴിക്കോട് വിലങ്ങാടിനുള്ള പുനരധിവാസ ഉല്പന്നങ്ങൾ കയറ്റിവിടുന്നതിൻ്റ ഫ്ലാഗ്ഓഫ് കർമ്മം നിർവ്വഹിച്ച് സംസാരിക്കുകയായിരുന്നു പിതാവ്. ദുരിത ഭൂമിയിൽ സഹായം എത്തിക്കുന്നത് ഒരു ദൈവീക ശുശ്രൂഷയാണെന്നും പിതാവ് ഓർമ്മിപ്പിച്ചു. വിലങ്ങാടിന് ഒരു കൈത്താങ്ങ് പുദ്ധതിയിൽ
കത്തോലിക്ക കോൺഗ്രസ് 13 ലക്ഷം രൂപയുടെ പുനരധിവാസ സഹായം നൽകും കോഴിക്കോട് വിലങ്ങാട് പ്രദേശത്ത് ഉരുൾപൊട്ടലിൽ വീടും സ്ഥലവും നഷ്ടമായവർക്ക് 7 ലക്ഷം രൂപയുടെ പുനരധിവാസ സഹായമാണ് കത്തോലിക്ക കോൺഗ്രസ് കോതമംഗലം രൂപത നൽകുന്നത്. ബെഡ്ഡുകൾ, പാത്രങ്ങൾ,സ്റ്റൗ, മിക്സി, പ്രഷർ കുക്കർ,വസ്ത്രങ്ങൾ മുതലായവയാണ് നൽകുന്നത്. തൊടുപുഴ ലൂണാർ കമ്പനി 600 ജോഡി ചെരിപ്പും സാധനങ്ങൾ കൊണ്ടുപോകാനുള്ള വാഹനവും നൽകുകയുണ്ടായി. ചൂരൽമലയിലും വിലങ്ങാടും വീട് നഷ്ടമായവരിൽ ഏറ്റവും അർഹരായ മൂന്ന് കുടുംബങ്ങൾക്ക് രണ്ട് ലക്ഷം രൂപ വീതവും വിദേശ മലയാളി കൂട്ടായ്മയുടെ സഹായത്തോടെ നൽകും.
രൂപത വികാരിജനറാൾമാരായ മോൺ.പയസ്‌ മലേക്കണ്ടത്തിൽ, മോൺ.വിൻസന്റ് നെടുങ്ങാട്ട്, ചാൻസലർ ജോസ് കുളത്തൂർ, കത്തോലിക്ക കോൺഗ്രസ് രൂപത പ്രസിഡന്റ് സണ്ണി കടുത്താഴെ, ഡയറക്ടർ ഫാ. മാനുവൽ പിച്ചളക്കാട്ട്, സോഷ്യൽ സർവീസ് ഡയറക്ടർ ഫാ.ജോർജ് പൊട്ടക്കൽ, കത്തീഡ്രൽ വികാരി ഫാ.തോമസ് ചെറുപറമ്പിൽ, ഫാദർ ജോൺ മറ്റപ്പിള്ളിൽ,ലൂണാർ എം.ഡി ജൂബി ഐസക് കൊട്ടുകാപ്പിള്ളിൽ, ജനറൽ സെക്രട്ടറി മത്തച്ചൻ കളപ്പുരക്കൽ, ട്രഷറർ അഡ്വ.തമ്പി പിട്ടാപ്പിള്ളിൽ, സി.ജോൺസി MSJ ,ജോർജ്ജ് മങ്ങാട്ട് ,ജിജി പുളിക്കൽ, ഷൈജു ഇഞ്ചക്കൽ, അബി കാഞ്ഞിരപ്പാറ, ബേബിച്ചൻ നിധീരിക്കൽ, ജോർജ് കുര്യാക്കോസ്,റോജോ ജോൺ, ബിജു വെട്ടിക്കുഴ, ബിനോയ് പള്ളത്ത്, ജോൺസൺ കറുകപ്പിള്ളിൽ തുടങ്ങിയവർ സന്നിഹിതരായിരുന്നു
