നെല്ലിക്കുഴി: നെല്ലിക്കുഴി -ഇരമല്ലൂര്‍ – ചെറുവട്ടൂര്‍ റോഡില്‍ തടിലോറി തലകീഴായി മറിഞ്ഞു.ഇരമല്ലൂര്‍ റേഷന്‍കടക്ക് മുന്നില്‍ റബ്ബര്‍ കട്ടയുമായി പോവുകയായിരുന്ന തടിലോറി നിയന്ത്രണം നഷ്ടപെട്ട് തലകീഴായി മറിയുകയാണുണ്ടായത്.
ഇന്ന് പുലര്‍ച്ചെ അഞ്ച് മണിക്കാണ് സംഭവം .ഡ്രൈവര്‍ നിസാരപരിക്ക്കളോടെ അത്ഭുതകരമായി രക്ഷപെട്ടു.
ലോഡുമായി എത്തിയ ലോറി കയറ്റം കയറാതെ വന്നതോടെ പിറകിലേക്ക് ഊര്‍ന്നിറങ്ങിയതാണ് അപകടത്തിന് കാരണമായത്.വളവും കുത്തനെയുളള കയറ്റവും ഈ റോഡില്‍ പലപ്പോഴും അപകടത്തിന് കാരണമാണ്.വലിയ തടി ലോറികള്‍ ആശ്രയിച്ചിരുന്ന ചെറുവട്ടൂര്‍ ഇരുമലപ്പടി റോഡില്‍ ഇരുമലപ്പടിയിലെ കലുങ്ക് പണിമൂലം ഗതാഗതം തടസപെട്ടതോടെ ഇത്തരം വാഹനങ്ങള്‍ ഇരമല്ലൂര്‍ റോഡിനേയാണ് ആശ്രയിക്കുന്നത്.
ഇതാണ് അപകടത്തിലേക്ക് നയിച്ചത് .ചെറുവട്ടൂര്‍ ഇരുമലപ്പടി റോഡില്‍ ഗതാഗതം തിരിച്ച് വിട്ടിട്ടുളള സൊസൈറ്റി പടി കനാല്‍പാലം റോഡും പൂര്‍ണമായും തകര്‍ന്ന അവസ്ഥയിലും സൊസൈറ്റിപടി റോഡില്‍ കലുങ്ക് അപകടാവസ്ഥയിലും ആയത് ആളുകളെ ആശങ്കയിലാക്കിയിട്ടുണ്ട്. ഇരമല്ലൂര്‍ റേഷന്‍കട പടിയില്‍ അപകടത്തെ തുടര്‍ന്ന് ഗതാഗതം ഇവിടെ പൂര്‍ണമായും തടസപെട്ടിട്ടുണ്ട്., കോതമംഗലം പോലീസ് എത്തി നടപടികള്‍ സ്വീകരിച്ച് വരുന്നു.
അപകടം നടന്ന പ്രദേശത്ത് റോഡിന് ഇരുവശവും നിരവധി വീടുകളാണുളളത് നിയന്തണം നഷ്ടപെട്ട വാഹനം റോഡില്‍ തന്നെ മറിഞ്ഞ ആശ്വാസത്തിലാണ് നാട്ടുകാര്‍ ഉളളത്.
