കോതമംഗലം : കുട്ടികൾ മാതൃകയായി.വയനാടിന് കൈത്താങ്ങായി പിണ്ടിമന ടി വി ജെ എം ഹയർ സെക്കൻഡറി സ്കൂളിലെ വിദ്യാർഥികൾ .ദുരന്ത ഭൂമിയിൽ പകച്ചു നിൽക്കുന്ന വയനാടൻ മക്കൾക്കായി വിദ്യാർത്ഥികൾ സമാഹരിച്ച ആദ്യഘട്ടം തുകയായ 35881 രൂപ മുഖ്യമന്ത്രിയുടെ ദുരിതാശ്വാസനിധിയിലേയ്ക്ക് നൽകുന്നതിനായി സ്കൂൾ മാനേജർ ബേസിൽ വർഗീസ് ആന്റണി ജോൺ എം എൽ എയ്ക്ക് കൈമാറി.
പിണ്ടിമന ഗ്രാമപഞ്ചായത്ത് പ്രസിഡൻറ് ജെസ്സി സാജു ,സെൻറ് ജോൺസ് ചർച്ച് വികാരി റവ.ഫാ ജോർജ് ചെരിയേക്കുടി, ബ്ലോക്ക് പഞ്ചായത്ത് മെമ്പർ ലിസി ജോസഫ് ,വാർഡ് മെമ്പർമാരായ വിൽസൺ കൊച്ചുപറമ്പിൽ ,ലത ഷാജി ,പി റ്റി എ പ്രസിഡൻറ് ബിനോയ് തറമറ്റം, പി ടി എ എക്സിക്യൂട്ടീവ് മെമ്പർ സണ്ണി പോൾ, ബെസി ഷിബു ,സ്കൂൾ ബോർഡ് മെമ്പർമാരായ എ .ഒ വർഗീസ് ,എൽദോസ് കഴുതക്കോട്ട്, പ്രിൻസിപ്പൽ ഇൻ ചാർജ് സോബിൻ എം പി , ഹെഡ്മിസ്ട്രസ് നീത എന്നിവർ സംസാരിച്ചു.
