കോതമംഗലം: കോതമംഗലം, മാർ അത്തനേഷ്യസ് കോളേജിൽ വിരമിക്കുന്ന അധ്യാപക- അനധ്യാപകർക്ക് യാത്രയയപ്പ് സമ്മേളനം സംഘടിപ്പിച്ചു. കോതമംഗലം മാർ അത്തനേഷ്യസ് കോളേജ് മാനേജുമെൻ്റും സ്റ്റാഫും ചേർന്ന് സംഘടിപ്പിച്ച യാത്രയയപ്പ് സമ്മേളനത്തിൽ മാർ അത്തനേഷ്യസ് കോളേജ് അസ്സോസിയേഷൻ വൈസ് ചെയർമാൻ എ. ജി. ജോർജ് അദ്ധ്യക്ഷനായിരുന്നു.
എഴുത്തുകാരനും കാലടി സംസ്കൃത സർവ്വകലാശാല മുൻ പ്രൊഫസറുമായ ഡോ. വത്സലൻ വാതുശ്ശേരി മുഖ്യപ്രഭാഷണം നിർവ്വഹിച്ചു. ഡോ. ബിനോയ് എം.ഡി. (ഫിസിക്സ് വിഭാഗം , ഡോ. ഡെൻസിലി ജോസ് (കെമിസ്ട്രി വിഭാഗം), ഡോ. ഐജി ജോർജ് (ഇക്കണോമിക്സ് വിഭാഗം), ഡോ. അജി സി. പണിക്കർ ( സുവോളജി വിഭാഗം) എന്നീ അധ്യാപകരും എൽദോ വർഗീസ്, ജോൺസൺ വർഗീസ് എന്നീ അനധ്യാപകരുമാണ് വിരമിക്കുന്നത്. ബസേലിയോസ് പൗലോസ് ഇൻഡോർ സ്റ്റേഡിയത്തിൽ നടന്ന യാത്രയയപ്പ് സമ്മേളനത്തിൽ അധ്യാപക അനധ്യാപകരും വിദ്യാർത്ഥികളും വിരമിച്ച അധ്യാപക അനധ്യാപകരും പങ്കടുത്തു. പ്രിൻസിപ്പൽ ഡോ. മഞ്ജു കുര്യൻ, ഡോ. സ്മിത തങ്കച്ചൻ, ഡോ. സെൽവൻ എസ്., ഡോ. എൽദോസ് എ.എം., പ്രൊഫ. എം.കെ. ബാബു, ടി.ഇ. കുര്യാക്കോസ്, ദീപു വി.ഇ.,ആനന്ദ് സജി എന്നിവർ സംസാരിച്ചു.
