കോതമംഗലം :വാരപ്പെട്ടി പഞ്ചായത്തിലെ ഇളങ്ങവം ലക്ഷം വീട് കോളനി സാംസ്കാരിക നിലയത്തിന്റെ നിർമ്മാണ പ്രവർത്തനങ്ങളുടെ ഉദ്ഘാടനം ആന്റണി ജോൺ എംഎൽഎ നിർവഹിച്ചു. ഗ്രാമ പഞ്ചായത്ത് പ്രസിഡന്റ്‌ പി കെ ചന്ദ്ര ശേഖരൻ നായർ അധ്യക്ഷത വഹിച്ചു.വാർഡ് മെമ്പർ ദിവ്യ സലി സ്വാഗതം ആശംസിച്ചു.
എം എൽ എ പ്രാദേശിക വികസന ഫണ്ടിൽ നിന്നും 10 ലക്ഷം രൂപ ചിലവഴിച്ച് കൊണ്ടാണ് നിലയത്തിന്റെ നിർമ്മാണ പ്രവർത്തനങ്ങൾ ആരംഭിക്കുന്നത്. ബ്ലോക്ക് വൈസ് പ്രസിഡന്റ്‌ ഡയാന നോബി, പഞ്ചായത്ത് അംഗങ്ങളായ എയ്ഞ്ചൽ മേരി,എം എസ് ബെന്നി, സി പി ഐ എം ലോക്കൽ സെക്രട്ടറി എം ബി വർഗീസ്, വാരപ്പെട്ടി സർവീസ് സഹകരണ ബാങ്ക് പ്രസിഡന്റ്‌ എ എസ് ബാലകൃഷ്ണൻ തുടങ്ങിയവർ ചടങ്ങിൽ സന്നിഹിതരായിരുന്നു.
