പെരുമ്പാവൂർ : കാലടി, അങ്കമാലി പോലീസ് സ്റ്റേഷനുകളിൽ നിരവധി കേസുകളിൽ പ്രതിയായ യുവാവിനെ കാപ്പ ചുമത്തി നാടു കടത്തി. കാലടി മറ്റൂർ പൊതിയക്കര വല്ലൂരാൻ വീട്ടിൽ ആഷിക് (22) നെയാണ് കാപ്പ ചുമത്തി ആറ് മാസത്തേക്ക് റൂറൽ ജില്ലയിൽ നിന്ന് നാടു കടത്തിയത്. ജില്ലാ പോലീസ് മേധാവി കെ. കാർത്തിക്കിൻറെ റിപ്പോർട്ടിൻറെ അടിസ്ഥാനത്തിലാണ് നടപടി. കൊലപാതകശ്രമം, കഠിന ദേഹോപദ്രവം, ഭീഷണിപ്പെടുത്തൽ, ഭവനഭേദനം, ന്യായവിരോധമായി സംഘം ചേരൽ തുടങ്ങിയ കേസുകൾ ഇയാൾക്കെതിരെയുണ്ട്. ഓപ്പറേഷൻ ഡാർക്ക് ഹണ്ടിൻറെ ഭാഗമായി റൂറൽ ജില്ലയിൽ 32 പേരെ കാപ്പ ചുമത്തി ജയിലടച്ചു. 32 പേരെ നാടുകടത്തി.
