നേര്യമംഗലം: നേര്യമംഗലത്തിന് സമീപം ഇന്നലെ രാത്രി കിണറിൽ വീണ മൂർഖൻ പാമ്പിനെ പിടികൂടി. നേര്യമംഗലം ആവോലിച്ചാലിൽ ഒരു സ്വകാര്യ വ്യക്തിയുടെ മുറ്റത്തെ കിണറിൽ ഇന്നലെ രാത്രി ആണ് പാമ്പ് വീണത്. പാമ്പിന്റെ ശീൽക്കാര ശബ്ദം കേട്ട വീട്ടുകാർ നോക്കിയപ്പോൾ മുറ്റത്ത് പത്തിവിടർത്തി നിൽക്കുന്ന മൂർഖൻ പാമ്പിനെയാണ് കണ്ടത്. പാമ്പ് പെരുച്ചാഴി എലിയെ പിടിക്കാനുള്ള ശ്രമത്തിലായിരുന്നു. വീട്ടുകാർ ഇറങ്ങി വന്നപ്പോഴേക്കും രക്ഷപ്പെടാനുള്ള ശ്രമത്തിൽ പാമ്പ് കിണറിൽ വീഴുകയായിരുന്നു. തുടർന്ന് നാട്ടുകാരനായ CK വർഗ്ഗീസിനേയും തടിക്കുളം ഡിവിഷൻ ഫോറസ്റ്റ് ഓഫീസർ മുരളിയേയും വിവരം അറിയിച്ചു.
CK വർഗീസ് എത്തി തോട്ടി ഉപയോഗിച്ച് പാമ്പിനെ സഞ്ചിയിലാക്കി. 5.5 അടി നീളം ഉണ്ടായിരുന്ന ആൺ പാമ്പിനെ പരിക്കേൽപ്പിക്കാതെ ശാസ്ത്രീയമായ രീതിയിലാണ് വർഗീസ് രക്ഷപെടുത്തിയത്. ഫോറസ്റ്റ് വാച്ചർ M N അനിയും സഹായത്തിന് ഉണ്ടായിരുന്നു.
