കോതമംഗലം: സേവനത്തിൻ്റെ പാതയിൽ 95 വർഷം പിന്നിട്ട കവളങ്ങാട് സർവീസ് സഹകരണ ബാങ്ക് ഇടപാടുകാരുടെ സൗകര്യാർത്ഥം ഞായറാഴ്ച്ചകളിലും ഇടപാടുകൾ നടത്തുന്നതിനുള്ള സൗകര്യത്തിനു വേണ്ടി സൺഡേ ബാങ്കിംഗ് ആരംഭിച്ചു. നെല്ലിമറ്റം മെയിൻ ബ്രാഞ്ച്,നേര്യമംഗലം ബ്രാഞ്ച് എന്നിവിടങ്ങളിൽ ആണ് ബാങ്ക് ഞായറാഴ്ച്ചകളിൽ പ്രവർത്തിക്കുക. സൺഡേ ബാങ്കിംഗിൻ്റെ ഉദ്ഘാടനം നെല്ലിമറ്റം ഹെഡ് ഓഫീസിൽ നടന്ന ചടങ്ങിൽ ആൻ്റണി ജോൺ MLA നിർവ്വഹിച്ചു.
ബാങ്ക് പ്രസിഡൻ്റ് കെ ബി മുഹമ്മദ് അദ്ധ്യക്ഷത വഹിച്ച ചടങ്ങിൽ വാർഡ് മെമ്പർമാരായ ജെലിൻ വർഗ്ഗീസ്,ടീന ടിനു,ഷിബു പടപറമ്പത്ത്,ബോർഡ് മെമ്പർമാരായ പി കെ മാണി,കെ കെ ലെവൻ,നൗഷാദ്,റ്റി എച്ച് യാസർ,മുഹമ്മദ്, വിനയൻ,മിനി ജിജോ,ബാങ്ക് സെക്രട്ടറി മധുസൂദനൻ നായർ തുടങ്ങിയവർ പങ്കെടുത്തു.ബാങ്കിൻ്റെ നെല്ലിമറ്റം മെയിൻ ബ്രാഞ്ച്,നേര്യമംഗലം ബ്രാഞ്ചുകൾ ഞായർ രാവിലെ 9 മണി മുതൽ ഉച്ചയ്ക്ക് 2 മണി വരെയും തിങ്കൾ മുതൽ വെള്ളി വരെ രാവിലെ 8 മണി മുതൽ രാത്രി 8 മണി വരെ പ്രവർത്തിക്കുന്നതാണ്.
ശനിയാഴ്ച്ച രാവിലെ 8 മണി മുതൽ ഉച്ചയ്ക്ക് 2 മണി വരെയും പ്രവർത്തിക്കുന്നതാണ്. മറ്റ് ബ്രാഞ്ചുകൾ തിങ്കൾ മുതൽ വെള്ളി വരെ രാവിലെ 9.30 മുതൽ 5 മണി വരെയും ശനിയാഴ്ച്ചകളിൽ ഉച്ചയ്ക്ക് 2 മണി വരെയും ആയിരിക്കും പ്രവർത്തനം.
