കോതമംഗലം : കരിങ്കൽ കയറ്റിവന്ന ലോറി മറിഞ്ഞ് ഡ്രൈവർക്ക് ഗുരുതര പരിക്ക്. കോതമംഗലം പെരുമണ്ണൂരിലെ പാറമടയിൽ നിന്ന് കല്ല് കയറ്റിവന്ന ലോറിയാണ് മറിഞ്ഞത്. പാറമടയിൽ നിന്നും കരിങ്കല്ലുമായി വന്ന ടിപ്പർ ലോറി പെരുമണ്ണൂർ റേഷൻ കടയ്ക്ക് സമീപം മറിയികയായിരുന്നു. ലോറിക്കുള്ളിൽ കുടുങ്ങിയ ഡ്രൈവറെ നാട്ടുകാരും -ഫയർഫോഴ്സും ചേർന്ന് മൂന്ന് ണിക്കൂറുറോളം നീണ്ട പരിശ്രമത്തിനൊടുവിൽ പുറത്തെടുക്കുകയായിരുന്നു. പരിക്ക് പറ്റിയ ലോറി ഡ്രൈവറെ കോതമംഗലത്തെ സ്വകാര്യ ആശുപത്രിയിൽ പ്രവേശിപ്പിച്ചു.
കല്ല് കയറ്റിവന്ന ലോറി ഇറക്കം ഇറങ്ങുന്നതിനിടയിൽ നിയന്ത്രണം വിട്ട വാഹനം മരത്തിലിടിച്ച് മറിയുകയായിരുന്നു. നിരവധി പാറമടകളാണ് ഈ പ്രദേശത്ത് ഉള്ളത്. യാതൊരു മാനദണ്ഡങ്ങളും പാലിക്കാതെയാണ് കരിങ്കല്ല് കയറ്റി വരുന്ന ലോറികൾ പോകുന്നതെന്നാണ് നാട്ടുകാരുടെ പരാതി. പരിക്കേറ്റ ഡ്രൈവറെ സ്വകാര്യ ആശുപത്രിയിൽ പ്രവേശിപ്പിച്ചു.ആൻ്റണി ജോൺ എം എൽ എ പരിക്കേറ്റ ഡ്രൈവറേയും അപകട സ്ഥലവും സന്ദർശിച്ചു.
