കോതമംഗലം:കോതമംഗലം കെ എസ് ആർ റ്റി സി ഡിപ്പോയിൽ നിന്നും ബോണ്ട് (ബസ് ഓൺ ഡിമാൻഡ്) സർവ്വീസിനു തുടക്കമായി. കോതമംഗലത്ത് നിന്നും ആരംഭിച്ച ആദ്യത്തെ ബോണ്ട് സർവീസിൻ്റെ ഉദ്ഘാടനം ആൻ്റണി ജോൺ എം എൽ എ നിർവ്വഹിച്ചു. മൂവാറ്റുപുഴ, കൂത്താട്ടുകുളം, ഏറ്റുമാനൂർ വഴിയാണ് സർവീസ്.
കോതമംഗലത്ത് നിന്നും 08 : 30 ന് ആരംഭിച്ച് യൂണിവേഴ്സിറ്റിയിൽ 09 : 45 ന് എത്തുന്ന രീതിയിലാണ് സർവീസ് ക്രമീകരിച്ചിരിക്കുന്നത്. എ.റ്റി.ഒ. പി ഇ രഞ്ജിത്, ഇൻസ്‌പെക്ടർമാരായ അനസ് ഇബ്രാഹിം,സണ്ണി പോൾ,അസിസ്റ്റന്റ് ഡിപ്പോ എൻജിനീയർ വി പി റഷീദ് എന്നിവർ സന്നിഹിതരായിരുന്നു.
