കോതമംഗലം മുനിസിപ്പാലിറ്റിയിൽ 2 ഗ്രാമീണ റോഡുകളുടെ നവീകരണ പ്രവർത്തനങ്ങൾ ആരംഭിച്ചു.

കോതമംഗലം: കോതമംഗലം മുനിസിപ്പാലിറ്റിയിൽ 2 ഗ്രാമീണ റോഡുകളുടെ നവീകരണ പ്രവർത്തനങ്ങൾ ആരംഭിച്ചു. 8, 9 വാർഡുകളിലെ ആനക്കല്ല് – വാളാടിത്തണ്ട്,ആനക്കല്ല് – ചാമക്കാല എന്നീ 2 റോഡുകളുടെ നവീകരണ പ്രവർത്തനങ്ങളാണ് ആരംഭിച്ചത്. മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തിയാണ് 2 റോഡുകൾക്കും 10 ലക്ഷം രൂപ വീതം അനുവദിച്ചിട്ടുള്ളത്. റോഡുകളുടെ നിർമ്മാണോദ്ഘാടനം ആന്റണി ജോൺ എം എൽ എ നിർവ്വഹിച്ചു. വാർഡ് കൗൺസിലർമാരായ കെ വി തോമസ്,മേരി പൗലോസ്,ജോർജ് കുഴികണ്ണിയിൽ,ജോണി മുണ്ടയ്ക്കൽ എന്നിവർ സന്നിഹിതരായിരുന്നു.